الحالة
موضوع مغلق

ايمان نور

عضو جديد
التسجيل
3/4/10
المشاركات
6
الإعجابات
0
#1
'', انا هدخل في الموضوع علي طول تزوجت واثناء زواجي ابتزني زوجي واخذ اموالي واجبرني علي الامضاء علي دفتر ايصالات امانه ولانني خوافه بطبعي لم اتكلم ولم اشرح لاهلي المهم ساومني علي الايصالات ودفعت له كل ما املك حتي يخبر اهلي وساقول معلومه ممكن تحتقروني من اجلها لقد ابتزني لاني تزوجته من وراء اهلي زواج رسمي وكنت خائفه ان يختفي ويتركني او يخبر اهلي ووللاختصار اريد ان اقول ان اخي اخد عليه حكم بسنتين ولم ينفذ الحكم وابتزني من اجل ان يتنازل اخي عن القضيه ولان اخي لا يعلم بزواجي منه قال ليه انه سيرفع عليا قضيه وسيجبر اخي ان يتنازل اعطيته كل ذهبي ووعدني انه لن يخبر اهلي
ولكنه بالطبع رفع عليا ايصالين امانه ولم يبالي وكان ذلك بعد طلاقي منه بعد اخذه المقابل المادي وبالرغم من ذللك رفع عليا بايصالين امانه واحداهما باسمه والاخر لا اعرف الاشخاص اساسا والمحامي بيقولي انا مش عارف اعملك ايه وانا مش عارفه اعمل ايه بيقولي هتاخدي حكم هتاخدي حكم ملاحظه انا سافرت خارج البلد تسع شهور وهو رقع عليا الايصالين واخدت في واحد براءه لاني اثبت انها قضيه كيديه واني كنت مسافره اما الباقي بقي مش عارفه هعمل فيهم ايه انا ما استلمتش فلوس وهو ال بيملي ايصالات الامانه هل ذلك من الممكن ان يدعم موقفي ولكم جزيل الشكر انا بجد مش عارفه اعمل اي حاجه في حياتي انا عايزه اشتغل وخايفه منه انا حتي بخاف امشي في الشارع يتعرضللي انا خايفه منه اوي ونفسي الحكم يتنفذ عليه عشان اخد الايصالات بتاععتي عشان هو ما عندوش اي كلمه انا مشكلتي اني مش لاقيا حد يقف جانبي مش عارفه اعمل ايه وياريت تقولولي موقفي القانوني مالوش حل حتي لو في شهود يثبتوا انهي ما استلمتش وان ال رافعين عليا دول ما اعرفهمش وشكرا
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#2

أختى الكريمة
مشكلتك هى مشكلة العديد من الزوجات الذين
يوقعون لأزواجهم لأسباب عديدة ......
لذلك
فالقضاة يعلمون هذه الأمور الآن جيدا ...
ولكن عليكى أخذ الحذر والاحتياط فى موقفك .
فأولا : عليكى أن تذهبى الى قسم الشرطة وتحررى
محضر بأن زوجك أجبرك على التوقيع على ايصالات
أمانة على بياض أثناء زواجكما وأنه دائم التهديد لكى ..
وتذكرى عدد هذه الايصالات ..........
وأما بخصوص الجنح المرفوعة فعليكى الطعن عليها
أمام المحكمة أن هذه الايصالات معاصرة لفترة الزواج
وأنه أجبرك على التوقيع عليها وأنك لم تستلمى منه أية
أموال ...
والمحكمة ستحقق كل هذه الدفوع .
وان شاء الله ستتضح الأمور كلها
للمحكمة . وستنالى البراءة ان شاء الله ...
وملاحظة :
لو أن كل شخص عليه حكم خاف يمشى
فى الشارع يبقى الشعب المصرى كله ها يختفى !!! .

تماسكى ودافعى عن نفسك بثقة وقوة ......
والله معك .....
 

ايمان نور

عضو جديد
التسجيل
3/4/10
المشاركات
6
الإعجابات
0
#3
لكم جزيل الشكر

بجد مش عارفه ااقولكوا ايه مش عارفه ااقول انا مبسوطه اد ايهخ ان فيه حد اهتم بقضيتي وليا استفسارات اولا انا مضيت من حوالي سنتين واطلقت من سنه ونص هل من حقي اني اعمل محضر وااقول ايه في المحضر يعني انا ما قدمتش بلاغ من زمان ليه ثانيا عايزه اعرف هوة انا كده الحكم بتاعي نزل علي الكمبيوتر يعني انا لو حبيت اشتغل واعمل فيش هيكون في عندي سابقه هو الحم ال في القضيه التانيه بقالوا خمس شهور والقضسه الاولي اخدت فيها براءه عشان اثبت اني كنت خارج البلد
بشهاده تحركات وانا عملت معارضه ممكن بقي اعمل فيش ولاه هيستمر موجود علي الكمبيوتر وهيطلع وانا بستلم الفيش وكمان عايزه اعرف ازي اشيله من علي الكمبيوتر بالمعارضه وازي اعرف هو موجود علي الكمبيوتر ولاه لا واخر سؤال عشان انا بجد بدات اطمع في افضالكم عليا انا لما اخد براءه الوصل كان مرفوع باسم المحامي الخصم اوطليقي اني استلمت منه مبلغ وقدره 200 الف جنيه واخدت براءه والمحامي بتاعي بيقولي اني ممكن ارفع قضيه تعويض علي المحامي لربما تؤدي بنا الي التفاوض مع طليقي بالرغم من ان طليقي اساسا مالوش كلمه ولاه عنده مبادى يعني ان اني اخلي اخويا يتنازل عن القضيه في سبيل اني اخد الايصالات بتاعتي لربما يضغط عليه المحامي منعا للشوشره بس انا خايفه ارفع علي المحامي هو يرفع عليا بايصالات جديده وانا موجوده جوا مصر وساعتها ماليش حجه انا عايزه اعرف هو انا ممكن استند علي خكم البراءه ال انا اخده في القضيه الاولي عشان اخد براءه لو رفع عليا تاني بتاريخ جديد وبجد شكرا اوي ومتشكره اوي علي الاهتمام والرد جزاك الله خيرا وشكرلا
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#4
نعم يمكنك أن تحررى محضر الآن .
وتقولى أنكى كنتى نسيتى هذه الايصالات .
وفوجئتى به يرفع بها قضايا ...........

ثانيا من حقك أن تضغطى عليهم برفع دعوى تعويض
عن اتهامك فى القضية التى اخذتى فيها براءة ...
لعلها تكون وسيلة ضغط عليهم ليكفوا شرهم عنك ...

ثالثا هذه الأحكام لا تنزل على شاشة الكمبيوتر الأساسية
ولن تعوقك فى السفر أو غيره ...............
لأنها غير نهائية ...
 

ايمان نور

عضو جديد
التسجيل
3/4/10
المشاركات
6
الإعجابات
0
#5
جزاكوا الله كل خير بجد متشكره كتير جدا لان حضرتك بتهتم بالرد عليا في ااقرب فرصه بس انا كنت اعرف يعني اروح القسم بقلب جامد واعمل صحيفه الحاله الجنائيه اصلي انا خايفه اوي وعايزه اعرف من حضرتك ازي اعرف من علي الكمبيوتر عليا احكام ولاه لا وكمان طليقي عايزه اعرف الاحكام ال عليه لان هو معلهوش الحم بتاع اخويا بس عليه احكام تانيه بشهور فعايزه اعرف وصل لحد ايه عشان انا ما اقدرش اسال المحامي ال رافع عليه القضيه عشان هو صاحب اخويا وليه استفسار تاني ممكن المحامي بتاع اخويا يعمل توكيل للمحامي بتاعي توكيل من توكيل يعني عشان اخويا مسافر ومعملش للمحامي بتاعي توكيل قبل ما يسافر فانا عايزه اعرف التوكيل القضائي من محامي لمحامي ينفع عشان المحامي بتاع اخويا ما يعرفش حاجه وانا عايزه اجيب صور الاحكام ال علي طليقي عشان ادعم موقفي في القضيه وكمان لما اعمل المحضر وعشان يبقي معايا رقم القضيا لان المحامي صاحب اخويا من الواضح انه بيخاف من طليقي ومش بيتحرك عشان ينفذ عليه الحك واخويا مكبر دماغه خايف من الشوشره والحكم خلاص فضله سنه وهيسقط وكمان عايزه اعرف هو معاه بطاقتين واحده مكتوب فيه عنوان بيت اهله وديه ال كنت اعرفها وفجاءه لحظت انه معاه بطاقه تانيه فيها عنوان البيت ال قاعد فيه بس ما لحقتش اعرف العنوان تفصليا حتي لما طلقني طلقني بالبطاقه الاولي فعايزه اعرف ما فيش حل اعرف بيه عنوانه ال مكتوب في البطاقه وعايزه اعرف هو ممكن يكون رافع عليا قضيه تانيه وما وصلنيش الاخطار بتاعها واكون اخده فيها حكم ولاه حاجه من غير ما اعرف وشكرا
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#6
نعم يمكن عمل توكيل من محام أخوك الى محاميكى ...
أما صحيفة الحالة الجنائية فلا تظهر فيها الأحكام بهذه السرعة .
المهم
يمكنك الكشف عن اسمك فى مديرية الأمن التى تتبعينها .
عن طريق محاميكى بالطبع . وعن طريق شاشة الكمبيوتر .
أو عن طريق قسم الشرطة - التنفيذ - .
اما الكشف عن قضايا طليقك فيمكنك ذلك بصورة غير رسمية
عن طريق قسم الشرطة فقط - التنفيذ - . اما المديرية فلا لعدم
وجود توكيل عنه .....................
 

ايمان نور

عضو جديد
التسجيل
3/4/10
المشاركات
6
الإعجابات
0
#7
متشكره اوي عن رد حضرتك يارب يجزيك كل خير الف شكر
 

ايمان نور

عضو جديد
التسجيل
3/4/10
المشاركات
6
الإعجابات
0
#8
'', انا الحمد لله اخد براءه في القضيه التانيه عشان اصل الايصال لم يقدم في المحكمه فعايزه اعرف هو ممكن يرفع بيه مره تانيه ولاه لا وتنصحوني بايه وبعد اذنكم المحامي المفروض ياخد كام هو رافع عليا ب75 الف جنيه والمحامي عارف اني ما استلمتشس فلوس المفروض اتعابه تبقي كام وعايزه اسال سوال تاني انا ليا واحده صاحبتي كان متامن عليها في شغل وهي بتاخد معاش والدها ولها اخوها ووالدتها هل الاتامينات تطلعها من المعاش ثانيا لو اتجوزت من حقها تاخد مكافاه المعاش عند ازواج ولاه خلاص هي كده طلعت من المعاش ومالهاش فلوس ولكم جدزيل الشكر يارب يجعله في ميزان حسناتك ومتشكره علي سرعه ردكم علي اسئلتي
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#9
مبروك عليكى البراءة ...

واذا رفع جنحة تانى بنفس الايصال ساعتها يمكنك
الدفع بعدم جواز نظر الدعوى لسابقة الفصل فيها ...

والأتعاب تحدد بالاتفاق فيما بينكم ...
لأم الأتعاب تختلف من محام لآخر ...
ولكون القضية لم يتم العمل فيها كثيرا
فيمكنكم الاتفاق على أتعاب ميسرة ...

تأمينات عمل صاحبنك لا علاقة لها بالمعاش .

عند زواجها يرفع نصيبها من المعاش بالطبع .
وليس لها مكافأة ...
 

ايمان نور

عضو جديد
التسجيل
3/4/10
المشاركات
6
الإعجابات
0
#10
يارب يكرمك بكل خير ويجعل كل حرف كتبته ليا في ميزان حسناتك يارب ومتشكره علي مباركتك ليا علي البراءه الله يبارك فيك بس معلش ليا استفسار بالنسبه لصديقتي يعني ايه التامينات مالهاش علاقه بالمعاش وفي نفس الوقت ازي ما تاخدش مكافاه زواجها علي اساس ان البنت لما بتجوز بتقدم قسيمه جوازها في المعاشات وبتاخد مكافاه جواز معني كده ان هي مش هتاخد نصبها في معاش والدها عند الجواز وان ال هيمنعها ان هي متامن عليها في شغلها وجزاك الله خير علي اهتمامك وردودك شكرا
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#11
قصدى أنا
أنه بعد زواج البنت يقطع معاشها !!!

وقصدى :
أنه اذا كانت تعمل فى عمل آخر وتم تحصيل
اشتراكات منها فلها حق استرداد هذه الاشتراكات
بعيدا عن المعاش التى كانت تحصله .

لذا قلت أن التأمينات ليس لها علاقة بالمعاش !!!

أما حقوقها قبل الزواج كمكافأة ومزايا وخلافه
فلها اللجوء للتأمينات باعتبارها مستحقة للمعاش
حتى هذا التاريخ ...
 
الحالة
موضوع مغلق

أعلى