الحالة
موضوع مغلق

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#1
حب فوق سطح التايتونك ( قصة قصيرة )

المكان .. بقعة من البقع الكتير الموجودة بمصر
تحت كوبري باب 27 الاسكندرية
الزمان 29 فبراير عام 2000


شخصيات القصة :
ماجيكو ( البطل الرئيسي ومحور الاحداث )
المنسي ( الصديق القريب لماجيكو والملازم له )
فتكات ( حبيبة ماجيكو )
وعدد من الاشخاص فى ادوار صغيرة ..


* تبدأ أحداث القصة فى تمام الساعة التاسعة صباحاً .. حيث يستيقظ ماجيكو على
صياح الجيران ودوشة ووجع دماغ .. وأصوات الاطفال الصغار وهم يلعبون
بكلب الحاج علوان .. وصت الحاج علوان يخترق أذن ماجيكو ويزعجه تماما

تصرف ماجيكو بهدوء شديد .. حيث صعد الى الحمام بالطابق العلوى من المنزل
غسل وجهة بالماء والصابون من نوع Good Morning لعل اليوم يصبح جيدا

وقام بوضع الفزلين على شعره وخرج فى طريقه الى الفرن ..
وأثناء سيره الى الفرن وجدا شيئاً أثار أنتباهه .. جعله غير منتبه تماما الى طريقه

ترى ما الذى رآه ماجيكو .. ولخبط كيانه ..
لقد رأى ماجيكو أحد الطالبات التى كانت دائماً تكون قريبة منه ..
حيث كان ماجيكو متعلقا بها ومحبا لها ... طوال فترة الدراسة
حاول ماجيكو التقرب منها ولكنه لم يستطع .. كان يبحث عن فرصة ولم يجدها


ولكن انتظروا .. فها هى اللحظة .. حان وقت التقرب منها

كانت الطالبة وتدعى ( فتكات ) تتجه الى الفرن .. وكان طابور النساء كبييييييييير
ويحتوى على عدد كبير من النساء .. ومعنى هذا ان فتكات سوف تنتظر كثيراً

هنا قرر ماجيكو أن يبدأ بالحديث معها مقدما لها يد العون .. حيث ان الفرصة أصبحت بين يديه

وما ساعده ايضا وقوى فى قلبه الفكرة هو أن طابور الرجال فى هذه اللحظة كان صغير ..

بدأ ماجيكو ينظر الى فتكات ليجذب انتباهها أولا ثم يبدأ بالحديث معها

أقترب منها ماجيكو بعد أن لفت نظرها اليه .. و عندما جاءت اللحظة الحاسمة
واقترب منها ماجيكو .. حدث ما لم يكن فى الحسبان ..

فتكات كان نظرها قد ضعف .. من كثرة المذاكرة .. ولسوء حظ ماجيكو .. لم تتعرف عليه

فعنما اقترب منها .. إنهالت عليه بالسب والقذف والضرب بالشبشب .. و بالطبع هنا
ظهرت الشهامة من النساء أولا .. حيث لم يرى ماجيكو أمامه الى الاقدام
ولم يسمع سوى صوت الشباشب وهى تطرقع فوق وجهه وفوق رأسه
ومن كل مكان ...


وبعد فترة من الظلام

لمح ضوء خفيف .. انه نور الشمس .. حيث قد تم سحبه خارج الحلبة
( اقصد خارج الطابور الحريمى ) وتفاجئ بشئ آخر ..
صدمة قوية من رجل عملاق .. لم يرى ماجيكو شكله بالتفصيل

ولكن كل ما يتذكره أنه رأى قبضة يد بحجم إطار سيارة ...

وهنا فقد ماجيكو الوعى ... وبعد فترة لم يستطيع تحديدها .. وجد صديقه
المنسي يوقظه من على الارض بجوار الفرن ..

استيقظ .. من فعل بك هذا .. انطق .. قلى من .. لن أبرح حتى أعيد لك حقك

سكت ماجيكو قليلا .. وقال للمنسي .. لا يوجد شئ .. انسي الامر
هيا بنا نذهب من هذا المكان ..


توقف المنسي قليلا و أخبره بأنه جوعان .. فتردد ماجيكو ..
هل يبقي بهذا المكان الذى شاهد أصعب لحظة تاريخية فى حياته
لكى يأكل طبق الفول من عند شريف اللى جمب الفرن

أم يذهب ويضحى بالمذاق الرائع الذى لامثيل له .. وبسبب ضغط المنسي عليه

قرر أن يكون محايدا .. فقام بشراء رغيفين فول .. واحد له والاخر للمنسي

ثم ذهبا الى الجنينة اللى تحت الكوبري ( كوبرى باب 27 )

ووضعا بجوارهما على الكرسي كيس المخلل وبدأ كل من هما يأكل رغيفه

وبعد دقائق انتهى من أكل الرغيف ... وكان أمامهم مباشرة عم ابراهيم


بتاع الخروب .. فقام على الفور المنسي واشترى كيسان من الخروب

أحدهما له والاخر لماجيكو ..

شرب ماجيكو الخروب .. وبدأ يتذكر الموقف الذى حدث معه ..
فكان مترددا هل يخبر المنسي بالقصة .. أم يحتفظ بها لنفسه
خصوصا و ان الموضع انتهى بالفشل ..



هذا ما سنعرفه غداً ... انتظرو الجزء الثانى من القصة
ملاحظة .. هذه أول مرة فى حياتى أكتب قصة .. ولسة يادوب مألفها دلوقتى
ملاحظة 2 : اشخاص و أحداث القصة كلها غير حقيقية .. ومن واقع الخيال
 

المطبعجى

الوسـام الماسـي
التسجيل
1/1/09
المشاركات
6,238
الإعجابات
2,369
الإقامة
مصر
#2
ههههههه
في انتظار الجزء الثاني
بس فيه حاجة حاسس إنها حقيقية في القصة :wink:
فتكات :5998: ههههههههههههه
بهزر معاك طبعاً
ولا انت إيه رأيك ؟

خالص تحياتي
وأملي بمولد نجم قصة قصيرة جديد
 
Dreams

Dreams

مؤسس وإداري
التسجيل
22/5/07
المشاركات
7,458
الإعجابات
7,539
الإقامة
بلاد الله
الجنس
Male
#3
ملاحظة 2 : اشخاص و أحداث القصة كلها غير حقيقية .. ومن واقع الخيال
مش عارف عندى شك يا ماجيك فى الجمله دى
عموما موضوع جميل ومستنى باقى القصه .
 

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#4
ههههههه
في انتظار الجزء الثاني
بس فيه حاجة حاسس إنها حقيقية في القصة :wink:
فتكات :5998: ههههههههههههه
بهزر معاك طبعاً
ولا انت إيه رأيك ؟

خالص تحياتي
وأملي بمولد نجم قصة قصيرة جديد
ميرسي على التشجيع ده .. انا لسة بفكر فى نهاية

و أرجوك من غير مبالغة .. لأنى بصراحة عارف انها غير متقنة

واى كلام ( ركيكة ) هههههههههه .. بس هظبطها
بما نها عجبتك ..
 

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#5

مش عارف عندى شك يا ماجيك فى الجمله دى
عموما موضوع جميل ومستنى باقى القصه .
تفتكر مين يعنى هيكون بطل القصة .. تقصد مين ..!!

. . . . .
سعيد لمرورك اخى وان شاء الله بما انها عجبتكم .. هكملها غداً
 

منى

الوسـام الماسـي
التسجيل
23/10/09
المشاركات
3,172
الإعجابات
456
الإقامة
الاسكندريه
#6
قبضه يد بحجم اطار سياره

الجمله جميله جدا وتصوير رائع ومخيف وظريف فى نفس الوقت

القصه رائعه ونتمنى نشوف ابداعك فى الجزء الثانى
 

max@max

الوسـام الذهبي
التسجيل
7/5/08
المشاركات
2,002
الإعجابات
591
#7
مش عارف عندى شك يا ماجيك فى الجمله دى
عموما موضوع جميل ومستنى باقى القصه .​
اوافقك الراى
باين القصه مش خيالية
تصدق افتكرت انا كنت واقف فى الطابور ساعتها
بس اول ما شوفت الراجل الى
ايده زى إطــــــــــــــــــــــــار الســـــــــيارة
هربت
 

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#8
تصدق افتكرت .. انا كنت واقف فى الطابور ساعتها
بس اول ما شوفت الراجل الى
ايده زى إطــــــــــــــــــــــــار الســـــــــيارة
هربت​
بتقول أفتكرت !!

طيب .. لما تعرف باقى الأحداث

هتقولى نسيت ... هههههههههه​
 

abcman

عضوية الشرف
التسجيل
5/8/04
المشاركات
7,508
الإعجابات
1,756
الإقامة
Saudi Arabia, Jiddah
#9
هههههههههههههههههههههه

هي فعلاً القصة غير واقعية والشخصيات كمان غير واقعية وماحدش يقول غير كده

لكن عندي إحساس إن العلقة هي اللي واقعية وكانت هي سبب تأليف القصة صح ولا؟؟؟؟

طريفة فعلاً منتظرين الجزء الثاني الي الماجيك هيلعب فيه كمال أجسام ويروح يرد العلقة للشخص صاحب ضربة إطار السيارة
 

ommarime

الوسـام الماسـي
التسجيل
6/1/10
المشاركات
5,212
الإعجابات
2,511
#10
هههههههههه جميله الحدوده يعمو ماجيكو
وفى انتظار الجزء الثانى بس العمل فيك كده
الصابونه اكيد فتكات صلتت الناس عليك
بسبب رائحة الصابونه بصراحه عندها حق
نوعها لا يطاق
Good Morningدى ماركه مسجله
 

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#11
هههههههههه جميله الحدوده يعمو ماجيكو
وفى انتظار الجزء الثانى بس العمل فيك كده
الصابونه اكيد فتكات صلتت الناس عليك
بسبب رائحة الصابونه بصراحه عندها حق
نوعها لا يطاق
Good Morningدى ماركه مسجله
شكرا لك يا أم مريم .. وإليكم الجزء الثانى

 

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#12
اللقاء الثانى​
بعد فشل ماجيكو من الوصول الى هدفه فى المرة الاولى ... قرر أن يحكى القصة
الى صديقه المنسي بعد تردد دام لمدة خمس دقائق ( فترة شرب الخروب )

و بالفعل أخبره بالقصة .. وهنا المنسي قال له .. أنسي ..

أكيد البت دى مش بتفكر فيك .. فكك وكبر دماغك بقي ..

ماجيكو قاله .. ماينفعش انا حبيتها وماقدرش اعيش من غيـ ...

المنسي مقاطعاً : بس بس ياعم .. الظاهر ضرب الشبشب قصر فيك

بص تعالى معايا نقعد عالبحر شوية فى المكس .. تنسي الموضوع ده
واعقل كدة ..

و بالفعل ركبا معاً الاتوبيس .. وعندما وصلا الى المكس .. جلسا معاً
وهنا أخبر المنسي ماجيكو بأشياء .. لم يكن ماجيكو يتوقعها

حيث قال له المنسي .. على الرغم انى معترض معاك ومش شايف اى معنى للحب
والكلام الفاضي بتاعك ده .. الا انى اقدر اساعدك فى الموضوع ده

قاله ازاى .. قال المنسي عندى ليك مفاجئة غير متوقعة ..
قاله قول .. قال المنسي .. لن أخبرك الآن .. بكره هقولك


اتنرفز ماجيكو جداً . ولكن المنسي أصر انه يقوله بكره لمجرد الغتاتة فقط ..

المهم ..
فى هذه اللحظة افترقا حيث ذهب المنسي الى منزله فى المكس تاركا ماجيكو
على محطة الاتوبيس .. جاء الاتوبيس وركب ماجيكو وبالصدفة بمجرد ركوبه
وجد مقعدا خالياً


فرح جدا وجلس عليه .. وفى ثوانى توقف الأتوبيس لشخص بالطريق ..
على الرغم ان الاتوبيس لم يتحرك مسافة أكبر من 10 أمتار ..

نظر ماجيكو الى الشخص الذى ركب .. فإذا هى فتكات ..
شعر بسعادة شديدة جدا ً .. ومما زاد فرحته أنها
فى هذه المرة كانت ترتدى النظارة ...

وهنا قرر على الفور ان يقوم ويقعدها مكانه ويبدأ بالحديث معها ..
وفعلا لم يتردد لحظة واشار لها بأن تجلس مكانه ..
فجاءت وجلست وبدأ يسألها ..

أنتى مش عارفانى .. ركزى كويس .. قالتله لأ بس وشك مش غريب عليا
فأخبرها أنه زميل الدراسة ماجيكو ..
فتذكرت وقالت له .. تذكرت .. أنا كنت الاولى دائما وانت الثانى
قاطعها ماجيكو قائلاً .. استنى استنى
فى مرة انا كنت فيها الاول وحضرتك كنت التانية .. هههههههههه
وفى اليوم ده قعدتى تعيطى ..... هههههههههههههههه
وانا كنت هموت على نفسي من الضحك ... فاكرة ؟ .. أكيد فاكرة

:1002: :1002: :1002: :1002: :1002: :1002:

هنا تغيرت تعبيرات وجهها مغتاظة منه .. لكن ماجيكو لم يلحظ ذلك ..
لأنه كان سرحان فى الموقف الذى تذكره وظل يضحك ..

ولكن ضحكته لم تدوم طويلاً .. فقد توقف الاتوبيس فجأة و اشتد عراك
بين اثنين من الافراد وبين السائق يتهمون شخصا بأنه سارق
ولسوء حظ ماجيكو .. قد وضع اللص الموبايل الذى سرقه بجيب ماجيكو
عندما كان ماجيكو يضحك وغير منتبه .. وقام احد الافراد بالاتصال بالموبايل
ورن وهو فى جيب ماجيكو ..

وهنا غير السائق مسارالاوتوبيس وذهبا الى القسم
ونزل ماجيكو و السائق واثنين من الموجودين ... و الذين اتهم السائق اولا قبل ان يجد الموبايل بجيب ماجيكو

وعندما دخل القسم .. واجه الاستقبال اولا ... عصير بالمكسرات :eye::eye::close:

هو و المتهمين الاخرين بمساعدته فى السرقة

ولحسن حظ ماجيكو ان الاثنين الحرامية كان يعرفهم الظابط الموجود بالقسم

صفع الضابط أحدهم قائلاً له :

من ياض يا سرنجة فيكم الى خد ام التليفون
( وطاخ طيخ طوخ ثم ديب دب دبدييييييييب )

سقط سرينجة على الارض قائلا .. انا يا سعادة الباشا
خدته وحطيته فى جيب الخرونج ده .. لما كنت هتقفـ ...

الظابط مقاطعاً مع صفعة قلم قوية .. أخرس ياض ..

وخرج ماجيكو من القسم .. لا يستطيع ان يمشي
بعد وجبة المكسرات الدسمة والعصير المخفوق :1002:

ذهب الى البيت مارا بقهوة عم مسعود يرتاح قليلاً ..

وبعد 20 دقيقة تقريباً غادر المقهى ووصل البيت القى بنفسه على السرير
منتظرا الصباح والمفاجئة التى أخبره بها المنسي ..


يمر الليل و يأتى النهار ويستيقظ ماجيكو ويتصل بالمنسي و يخبره بأنه قادم له

وصل بالفعل الى منزل المنسي ...
وبعد ان قدم له المنسي المشروب المفضل .. ( إزازة مية ساقعة مشبرة )
لأن ماجيكو كان بيحب المية السقعة حتى فى فصل الشتاء ..

ارتاح قليلا .. ثم قال له المنسي .. تعرف ايه بقي المفاجئة ..
قاله ماجيكو .. و الله انا خايف وبقيت قلقان من المفاجئة دى

امبارح خدت تلات مفاجئات .. ربنا ما يوريك زيهم

قول وربنا يستر ...

قاله تعرف فتكات ساكنة فين ..
قاله بشغف فين ؟؟
قاله فى الدور اللى تحتنا .. واختى الصغير مصاحبة اخت فتكات
تخيل .. لسة عارف الكلام ده من يومين تلاتة .. وممكن نعرف الاخبار بسهولة

ماجيكو قاله يا سلام .. ده انتا تبقي خدمتنى .. دى احسن مفاجئة فى حياتى
( تذكر ماجيكو على الفور انه انها ركبت بالامس معه من نفس المحطة بالمكس
حينما توقف الاتوبيس .. وهذا ما أكد له الموضوع .. حيث كان يشك
بأن المنسي محضر له مقلب خصوصا بعد اعتراضه على الموضوع من بدايته ..
ولكن خاب ظنه .. وكل ما قاله المنسي كان حقيقة )


قاله تعالى معايا البلكونة .. وقام المنسي بالقاء الفوطة فى بلكونة ام فتكات ..
وارسل اخته زقردة بحجة الفوطة طبعا عشان تعرف الاخبار ..

نزلت البنت بحجة الفوطة اللى وقعت فى البلكونة و اتأخرت شوية
وبتنفذ اللى اخوها قالها عليه ..

طلعت بعد شوية بالاخبار

قالتله ان فتكات طالعة رحلة على سفينة تايتونك بعد يومين
من المينا فى باب 10 .. الساعة 9 صباحاً
رحلة مدتها ثلاث ايام
فرح ماجيكو بهذا الخبر


وذهب فوراً الى الميناء و استعلم عن الرحلة وحجز تذكرة على سفينة التايتونك
اون دِك .. وينتظر اليوم بفارغ الصبر

وقد حجز تذكرة أخرى للمنسي هدية منه بسبب هذه الخدمة ...

وفى اليوم المحدد فى الصباح الباكر
بدأ ماجيكو أن يجهز نفسه ويتأنق على غير العادة
حيث قام بغسل وجهة وشعره مستخدما شامبو هيد أند شولدرز

وغسل أسنانة بمعجون كلوس أب ( نعناع ولمون )
ووضع الفزلين على شعره ومن ثم وضع الكثير من الرائحة
من نوع ( دنهل ) حيث أن زجاجة الوان مان شو خلصت


وبعد أن غرق ماجيكو نفسه رائحة ذهب هو و المنسي معاً
وركبا سفينة التايتونك فى انتظار فتكات .. و بعد قيل جاء المشتركون بالرحلة
بما فيهم فتكات وصعدا المركب .. وبعد مرور دقائق كانت التايتونك
فى منتصف البحر المتوسط حيث أنها كانت تسير بسرعة عالية جدا

و بعد مرور دقائق أخرى من الانتظار .. ظهرت فتكات ومعها صديقتها "تقول للقمر قوم وانا أقعد مطرحك "
ذهب ماجيكو والمنسي اليهما وبدأ المنسي كلامه مع صديقة فتكات حيث أعجب بها
وفى الوقت نفسه يأخذها بعيدا ويخلى الطريق لصديقه مع فتكات

و بالفعل هذا ماحدث .. واصبح الطريق خاليا لماجيكو .. حيث رحبت به فتكات ... ولكن البداية لم تكن جيدة
حيث ان فتكات قالت له .. ماكنتش عارفة انك حرامى موبايلات ...


ماجيكو مقاطعا .. حرام عليكى ده بدل ماتقوليلى حمدالله على سلامتك
ده انا خرجت فى دقايق من القسم .. ( بعد ان شرح لها الحادثة واقتنعت بها )
واعتذر لها المنسي عن ما حدث منه بالاتوبيس وضحكه الهستيرى وقتها
( وكان سعيدا انها لم تعرف انه هو الشخص الذى ضربته بالشبشب
وسعيد اكثر انها لم ترى ماحدث له بالقسم من مكسرات وعصائر )


وبعد قليل .. جاءت اللحظة الحاسمة .. حيث صارحها بحبه لها ومر ساعات وساعات
وهو يتحدث معها ثم يعزمها على مشروبات ومأكولات على سطح التايتونك

وفى الوقت نفسه كان المنسي مدّلع .. حيث ظل هو الاخر يتحدث مع صديقة فتكات وأعجب بها
حيث دخلت قلبه من اللحظة الاولى فأخذها عند ظهر السفينة ينظرون الى البحر ويتحدثون

بينما ماجيكو فى مقدمة السفينة كان مع فتكات حب عمره و اصبحت تبادله نفس الشعور
وفى صباح اليوم التالى صعدت فتكات ومها صديقتها كل منهما تبحث عن المنسي وماجيكو

وتقابلا و كما حدث بالامس تماما .. ماجيكو مع فتكات فى المقدمة والمنسي مع صديقة فتكات فى مؤخرة المركب

قال ماجيكو أنا أحب السفن لأنى أشعر و كأنى أطير .. قالت له وكيف ذلك
قال لها تعالى أعلمك .. حيث قام بوضعها على الجزء الأمامى للسفينة خارج نطاق سور السفينة

وقال لها اتركي يديك للريح ووضع يديه حول وسطها ممسكا بها كما بالصورة التالية



الغريب فى الامر ان ماجيكو كان يسمع صوت نباح كلب لا يعرف من اين يأتى
وسأل فتكات هلى تسمعين هذا النباح .. قالت له لا ... اندهش ماجيكو لما قالته ..
واثناء كلامه معها ...
.
.
.
.
.
.. انكسر الجزء الذى كانت تقف عليه فتكات لثقل وزنها ..
حاول ماجيكون ان يمسك بها ولكنها سقطت من يده ورأى حب عمره يضيع
امام عينيه حيث سقطت فتكات فى الماء وقد قطعها محرك السفينة امام عين ماجيكو

انهار ماجيكو من البكاء وذهب فورا لصديق عمره المنسي الى اخر السفينة .. وقال له الحقنى

فتكات سقــ .... المنسي مقاطعاً .. حل عنى بقي وسيبنى .. غور فى داهية بقي .. غووور

استغرب ماجيكو لقول المنسي هذا .. لماذا تغير هكذا ..
اصر ماجيكو ان يكمل حديثه معه وجذبه بعيدا عن صديقة فتكات
وقال له ما حدث وان فتكات ماتت

قال له المنسي .. منا قلتلك م البداية ان القصة دى فاشلة .. غور بقي ..
سيبنى .. حَلّ عنّى يا عم بقي ...

استغرب ماجيكو اكثر .. وصاح بصوت عالى فى وجه المنسي .. اييييييييييه
مالك عمَّال تزعق فى وشي .. دانتا مخنئ .. انا ايه اللى خللانى مصاحبك الفترة دى كلها

رد المنسي .. عارف يلا .. انا اتخنقت منك .. انتا اتجننت .. وعلاجك الوحيد .. انك تحصلها
ورفعه المنسي فجأة والقاه فى البحر دون تردد من فوق مؤخرة السفينة

تفاجأ ماجيكو لما حدث ووجد نفسه يهبط الى قاع البحر مهما حاول الطفو
وظل يصارع الامواج ولكن بلا فائدة .. ظل يغوص فى الماء و كأنه صخرة
تسقط بالماء .. الغريب أكثر فى الامر أنه مازال يسمع نباح الكلب

ظل يهبط ماجيكو الى القاع مغمض العينين من هول ماحدث الى ان رسي الى القاع
ما زاد دهشته هو انه وجد نفسه مازال يتنفس .. ومازال يسمع صوت النباح
فتح ماجيكو عينيه ...

.








فــإذا هو على سريره بالمنزل .. ويسمع نباح كلب الحاج علوان بالجوار
وبعد قليل .. طرق الباب .. ذهب يفتح الباب .. فإذا هو المنسي بالباب :1002:

تُرى .. ماذا سيحدث .. !!!




،،،،،،،،، تمت ،،،،،،،،،

بكيبورد Magic-M​
 

raedms

الوسـام الماسـي
التسجيل
19/5/07
المشاركات
24,026
الإعجابات
4,210
#13
والله عشت القصة كانها حقيقية
ولكن بدون قبضة يد بحجم إطار سيارة ... :5998::5998:
والحمد الله أنة كان حلم مش حقيقة موتهما على السفينة

وانت لك حرية النهاية و انا من حقي أتوقع النهاية كما اشاء
ياريت كانت نهاية سعيدة .
او حتى نهاية حلم سعيد0


والله قصة جميلة ومؤثر..

أرجو الا تحرمنا من أبداعك والى الامام دائما ان شاء الله
وبداية موفقة مع تأليف القصص
 

raedms

الوسـام الماسـي
التسجيل
19/5/07
المشاركات
24,026
الإعجابات
4,210
#14
هههههههههههههههههههههه


لكن عندي إحساس إن العلقة هي اللي واقعية وكانت هي سبب تأليف القصة صح ولا؟؟؟؟
عند استفسار الكلام صحيح ولالالالالالا
لتكون بتستنا الا حيحصل عشان تكمل القصة به
ويطلع في جديد في القصة يعني جزء ثالث
ههههههههههههههههههههه

ذهب يفتح الباب .. فإذا هو المنسي بالباب
تُرى .. ماذا سيحدث .. !!!

حركة حلوه انك سبت مجال للقارئ يكمل القصة من خيالة الشخصي يعني في امل
وهذه حركة جميلة من المؤلف0


ملاحظة .. هذه أول مرة فى حياتى أكتب قصة .. ولسة يادوب مألفها دلوقتى
ملاحظة 2 : اشخاص و أحداث القصة كلها غير حقيقية .. ومن واقع الخيال


والله بدون مبالغة واقع الخيال الا عندك واقع مؤلف وكاتب
والسبب ان الشخص يندمج ويعيش في القصة وهذا شئ مهم للكاتب ان يدمج القارئ في أحدات القصة ويجعلة ينتظر القادم0
بارك الله فيك أخي الحبيب الغالي
واتمني التوفيق لك ان شاء الله
 

abcman

عضوية الشرف
التسجيل
5/8/04
المشاركات
7,508
الإعجابات
1,756
الإقامة
Saudi Arabia, Jiddah
#15
ههههههههههههههههههههههه

بصراحة كلب الحاج علوان ده شكله هو بطل القصة ده طلع أكتر منك في المشاهد ههههههههههههههههه

بس ماكانش عندك حل غير إن فتكات تقطعها مراوح الموتور بتاع المركب ماينفعش تقولك إنها بتحب واحد تاني مثلاً أي حاجة غير الموتة المأسوية الي تضحك دي ههههههههههه

على العموم منتظرين الجزء الثالث يا سيدي ويبدو إنك كمان منتظره والرجلة دي شكلها كانت رحلة في مركب من بتوع القناطر الخيرية وأنا عارف
 

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#16
عند استفسار الكلام صحيح ولالالالالالا
لتكون بتستنا الا حيحصل عشان تكمل القصة به
ويطلع في جديد في القصة يعني جزء ثالث
ههههههههههههههههههههه
بصراحة كنت مستنى التوقعات .. علشان اعمل نهاية غير متوقعة​

ذهب يفتح الباب .. فإذا هو المنسي بالباب
تُرى .. ماذا سيحدث .. !!!

حركة حلوه انك سبت مجال للقارئ يكمل القصة من خيالة الشخصي
يعني في امل ... وهذه حركة جميلة من المؤلف


ملاحظة .. هذه أول مرة فى حياتى أكتب قصة .. ولسة يادوب مألفها دلوقتى
ملاحظة 2 : اشخاص و أحداث القصة كلها غير حقيقية .. ومن واقع الخيال


والله بدون مبالغة واقع الخيال الا عندك واقع مؤلف وكاتب
والسبب ان الشخص يندمج ويعيش في القصة وهذا شئ مهم للكاتب
ان يدمج القارئ في أحدات القصة ويجعلة ينتظر القادم.
بارك الله فيك أخي الحبيب الغالي
واتمني التوفيق لك ان شاء الله
أشكرك جدا أخى واستفدت كثيرا من ردك .. وسوف اراعى
هذه التوجيهات فى القصة القادمة إن شاء الله​
 

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#17
ههههههههههههههههههه
بصراحة كلب الحاج علوان ده شكله هو بطل القصة ده طلع أكتر منك في المشاهد ههههههههههههههههه
هيا الناس مش عايز تقتنع ليه أننى لست بطل هذه القصة .. تحب أحلفلك
والله أنا لست بطل القصة .. والقصة خيالية 100%
بس ماكانش عندك حل غير إن فتكات تقطعها مراوح الموتور بتاع المركب ماينفعش تقولك إنها بتحب واحد تاني مثلاً أي حاجة غير الموتة المأسوية الي تضحك دي ههههههههههه
" تقولك " !! .. تقول لمين؟ .. للمرة التسعة وعشرين بقولها انا مش البطل .. ده مجرد تشابه أسماء
على العموم منتظرين الجزء الثالث يا سيدي ويبدو إنك كمان منتظره والرحلة دي شكلها كانت رحلة في مركب من بتوع القناطر الخيرية وأنا عارف
مفيش جزء تالت ... بس فى قصة جاية .. ولو تحب أخليها فى القناطر
معنديش مشكلة .. ولو عايزها غواصة .. ولا يهمك نخليها غواصة .. :1002:

وهي قصة روشة شويتين هسميها " حمادة وياسمين "
علشان محدش يفتكر انى بطلها

سعدت جداً بآراءكم وتوجيهاتكم
و بأنتظار الاعضاء الآخرين لسماع آرائهم
وتجنب الأخطاء فى القصة القادمة

" حمادة وياسمين "

.
 

moseba

الوسـام الماسـي
التسجيل
16/9/08
المشاركات
5,149
الإعجابات
1,036
الإقامة
DamasGate
الجنس
Male
#18
شكلها كده قصة جميلة
شكرا يا ماجيك على القصة
بس إيه المأساوية اللى انت فيها دى
مستنين باقى الاجزاء
بس على فكرة لمعلوماتك هكذا لا يمكن أن تكون قصة قصيرة بل مسلسل
لأن فى القصة القصيرة على حسب معلوماتى لا يمكن أن تكون بهذا الطول
ولا يوجد بها التفاصيل العديدة التى كتبتها فى قصتك
مثل نوع رائحة العطر التى إستخدمها وكيف إستيقظ وهكذا
والله أعلم
 

Magic-M

الوسـام الماسـي
التسجيل
19/1/09
المشاركات
3,396
الإعجابات
776
الإقامة
EGYPT
#19
شكلها كده قصة جميلة

أيه ده هوة انتا ماقريتهاش وللا ايه ... اقرا يا ميمو .. دى صغيرة خالص
وهتلاقيها بتخلص بسرعة ...
شكرا يا ماجيك على القصة
بس إيه المأساوية اللى انت فيها دى
مستنين باقى الاجزاء
بس على فكرة لمعلوماتك هكذا لا يمكن أن تكون قصة قصيرة بل مسلسل
لأن فى القصة القصيرة على حسب معلوماتى لا يمكن أن تكون بهذا الطول
ولا يوجد بها التفاصيل العديدة التى كتبتها فى قصتك
مثل نوع رائحة العطر التى إستخدمها وكيف إستيقظ وهكذا
والله أعلم
ياتري يا ميمو انتا قريت روايات مصرية للجيب
بتاعة ملف المستقبل ( بقلم نبيل فاروق )

لو قريت هتلاقيها كتيبات بالمتين والـ 300 ورقة ومليانة كلام كتييييييييييييييييييييير
وتفاصييييييييييييييييييييل كتير جداً ..

ودى بالنسبة ليهم كأنها بكو بسكويت جمب حلة محشي

ههههههههههههههههههههههههههههه

عموما .. تسلم على الرد واتمنى لما تقراها تعجبك ..

خالص تحياتى
 

moseba

الوسـام الماسـي
التسجيل
16/9/08
المشاركات
5,149
الإعجابات
1,036
الإقامة
DamasGate
الجنس
Male
#20

أيه ده هوة انتا ماقريتهاش وللا ايه ... اقرا يا ميمو .. دى صغيرة خالص
وهتلاقيها بتخلص بسرعة ...

ياتري يا ميمو انتا قريت روايات مصرية للجيب
بتاعة ملف المستقبل ( بقلم نبيل فاروق )

لو قريت هتلاقيها كتيبات بالمتين والـ 300 ورقة ومليانة كلام كتييييييييييييييييييييير
وتفاصييييييييييييييييييييل كتير جداً ..

ودى بالنسبة ليهم كأنها بكو بسكويت جمب حلة محشي

ههههههههههههههههههههههههههههه

عموما .. تسلم على الرد واتمنى لما تقراها تعجبك ..

خالص تحياتى
ههههههههههه
أنا كنت قد قرأتها بالفعل كلها قبل أن أرد
ولكنى قصدت من شكلها جميل
إن باقى القصة هيكون حلو
وأنا قرأت كتابين من روايات المصرية للجيب عن الرجل المسحيل
وأديك قلت أسمها روايات وليس قصص قصيرة
إنه يوجد فرق بين القصة القصيرة والرواية
والأعلم بهذا هو حبيبنا يحيى صالح بما إنه ضليع فى اللغة العربيةدفأكيد يعلم ما هى الفوارق بين الروايات والفصص القصيرة
والله أعلم
وشكرا يا ماجيك
 
الحالة
موضوع مغلق

أعلى