الحالة
موضوع مغلق

magaction

عضو جديد
#1

انا مواليد 1/1/84
العام الماضى حولت من كلية الحقوق جامعة المنصورة إلى كلية الاداب جامعة المنصورة ، وبالفعل اتقبل تحويلى من الكليتين ومن الجامعة وكمان حضرت امتحانات التيرم الأول فى التيرم التانى الكلية بعتتلى انذار بالفصل لما رحت قالولى ان منطقة التجنيد رفضت تأجيلك وكمان منعونى عن دخول امتحان التيرم الثانى ومن وقتها وانا متبهدل من منطقة التجنيد للجامعة للكية وكل الناس تقولى منعرفش حاجة عن مشكلتك وطبعا فى منطقة التجنيد يقولى بكل بساطة تعالى اتجند بالثانوية ، فى النهاية عرفت من الموظفين فى مكتب الاتصال العسكرى فى الجامعة ان بعد سن اتنين وعشرين سنة مش من حق الطالب التحويل غير مرة وحدة مع االعلم ان انا كنت مفصول من كلية التجارة ورحت كلية الحقوق وكان سنى تجاوز اتنين وعشرين سنة ، بس انا قبل ما احول قارىء قانون التجنيد كويس جداا وحافظه ومفيش فيه مادة او بند بينص على الكلام ده ، طيب لنفرض فعلا ان فيه قانون كده ازاى الكليتين وافقوا على تحويلى وازاى الجامعة وافقت على تحويلى وازاى مكتب التحويلات المركزى وافق على تحويلى ، المهم انا بقالى سنة فى الموال ده بعت للوزير لكن للاسف مكتب الوزير بعت للجامعة والجامعة بعتت للكلية والكلية بعتت نفس الكلام واخيرا من اسبوع اخدوا قرار والقرار هو قرار فصل تجنيدى ايه هو قرار الفصل التجنيدى انا معرفش ياريت حضرتك تفيدينى اذا كان فيه حاجة اسمها كده
المهم لما رحت منطقة التجنيد قالى تيجى تتجند بالثانوية وكمان ملكش تأجيل يعنى تلبس على طول ، انا عايز اعرف ليه ماليش تأجيل انا عملت ايه ، انا متخلفتش انا اول ما استلمت قرار الفصل التجنيدى رحتلهم على طول
ياريت يا اساتذة تفيدونى فى موقفى ده وهل انا ليا حق ولا لا ؟؟ وحقى عند مين
واسف على الاطالة
 

gamal gamal

محامى ومستشار قانوني
#2
عليكم السلام

هذه المشاكل تحدث دائما عند بلوغ الطالب
هذا السن الحرج دون الحصول على مؤهله ....

وما دمت أنك لم تحدد موقفك التجنيدى فمن
حق الكلية الثانية أن تفصلك لهذا السبب وهو
عدم تحديد موقفك التجنيدى ........
ولكن :
هذا الأمر يمكن الطعن عليه فى مجلس الدولة
بإعتباره سببا لحرمانك ومن هم فى مثل حالتك
من الحصول على حقه فى التعليم بسبب اجراءات
شكلية ......................
استشر محامى تثق فيه فى هذا الأمر ..........
 

magaction

عضو جديد
#3
متشكر جداا أستاذى الفاضل ، حضرتك وضحت موقفى بالنسبة للكلية وطبعا زى ما حضرتك قلت دى امور شكلية
لكن فى استفسار تانى ليه فى منطقة التجنيد بيقولى ماليش تأجيل حتى لو الدفعة اللى دخلت معاها اخدت تأجيل ليه بيحسنى متخلف؟ مع انى متخلفتش خالص انا لما ادونى شهادة الفصل رحتلهم فى نفس اليوم
 

gamal gamal

محامى ومستشار قانوني
#4
ما دام أن أول دفعة بعد الفصل
لم تدخل الخدمة فأنت فى موعدك
الرسمى بدون تخلف ............
 

magaction

عضو جديد
#5
أستاذى الفاضل
قمت بتقديم اوراق لمنطقة التجنيد لكى أدخل الكشف الطبى وكان قرارهم
سنة زيادة لا ترفع أى أننى ليس لى تأجيل
وقالوا لى أن السنتين اللى قضيتهم فى أداب بعد التحويل كأنهم محصلوش
وقمت بأداء الكشف الطبى وأنا الآن لا اعرف ماذا أفعل وهل عندى حق أم لا ؟؟
 

gamal gamal

محامى ومستشار قانوني
#6
لله الأمر .........
 

aiamo

عضو جديد
#7
يا اخواني
انا في مشكلة ممكن تساعدوني فيها انا اعيش في لندن انا كنت طالب في الكلية وسافرت من ثلاثة سنين مضو و لم اكمل تعليمي و الان انا تزوجت من اوروبية و عشان يعطوني الاقامة لازم يكون جواز السفر ساري و المشكلة الان عندي اني لم اخدم الجيش وعشان اجدد جواز السفر لازم احتاج زي ما انتم عارفين شهادة الجيش فأنا الان عايز اعرف دلوقت موقفي من التجنيد هل زواجي من الاوروبية يمنعني من الجيش ام لا وشكرا يا ريت تردو عليا في اسرع وقت وجزاكم الله كل خير`: و هل هناك قانون يسمح لي بأني اجدد جواز السفر مؤقتا علشان انا مقيم خارج مصر وشكرا
 
الحالة
موضوع مغلق

أعلى