الحالة
موضوع مغلق

اسامة مجدى

عضو جديد
التسجيل
3/3/10
المشاركات
2
الإعجابات
0
#1
بجد مشكلتى عويصة مع التجنيد لانى مش عارف اعمل ايه وتتحل ازاى انا هاحكى الموضوع بالظبط ويارب الاقى الجواب .. انا من مواليد 20/8/1977 يعنى عندى 33 سنة وليا اخوات اتنين صبيان واحد مواليد سنة 82 لكن اتقيد فى شهادة الميلاد لظروف خاصة سنة 84 شهر اتنين والتانى اتولد فعلا فى سنة 84 برضو شهر ستة فاصبح رسمى انا ليا اتنين اخوات الفرق بينهم تقريبا اربع شهور والوالد متوفى من زمان وانا كبير اخواتى وقدمت ما يثبت انى رشيد عائلة وروحت التجنيد سنة 98 علشان اشوف موقفى من التجنيد وبعد دوخة بسبب ان ازاى يبقى فى فرق بين اتنين اخوات اربع شهور خدت تأجيل بخمس سنين ينتهى فى 2003 وراحو اخواتى بعد ماخد كل واحد فيهم شهادة دبلوم التجارة برضو قدموا اوراقهم وكل واحد خدت تأجيل ب 3 سنين ولما خلصوا راح برضو كل واحد فيهم وخدت الاعفاء النهائى من التجنيد ...المشكلة بقى ان انا كان مفروض اروح سنة 2003 بعد التأجيل اللى بخمس سنين بتاعى ما خلص لكن انا ماروحتش .. وبمنتهى الصراحة لكذا سبب اولهم انى ساعة ماروحت اول مرة عانيت الامرين مش بسبب المعاملة السيئة وبس لكن ضيف عليهم السخرية والاذلال والمرمطة والشحططة بسسب موضوع اخواتى ده ... والسبب التانى وبمنتهى الامانة ان كنت فعلا مش فاهم وكان الكل بيقولى تأجيل بخمس سنين يبقى انت كده معافى نهائى ومش هاتدخل ده مجرد روتين وكلام من ده كتير اتمليت بيه دماغى وانا عارف طبعا ان كل دى مش اسباب وجيه بس هو ده فعلا اللى حصل .. والنتيجة ان بقى عندى 33 سنة ومش عارف موقفى من التجنيد ايه وفات سبع سنين على ميعاد انى اروح واعرف ان كنت داخل ولا مش داخل .. طب حل الموضوع ده ايه .. ايه الخطوات اللى مفروض اعملها ..وانا كده موقفى ايه .. هارب من التجنيد . ولا معافى . والله ما عارف . ونفسى اعرف الحل . لان الموضوع ده عاملى مشكلة فى كل امور حياتى . تقريبا حياتى واقفة مش عارف اخد اى خطوة فى اى حاجة .. يارب بتمنى بجد الاقى الحل
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#2

الحل بسيط يا غالى
وهو أنك وصلت الى سن الامتناع 30 سنة
وكده يبقى من حقك الحصول على محاكمة عسكرية
ودفع غرامة نت 2000 ج الى 5000 ج فقط .
وعليك الذهاب الى منطقة التجنيد لتحديد جلسة
للمحاكمة العسكرية .
 

اسامة مجدى

عضو جديد
التسجيل
3/3/10
المشاركات
2
الإعجابات
0
#3
بجد انا مش عارف اشكرك ازاى على ذوقك وردك وسرعة استجابتك ومساعدة الاخرين بجد الف شكر لكن انا ليا استفسار مهم عند سيادتك بما انى انا ماروحتش اساسا فى 2003 بعد ما خلصت مدة الاعفاء لكن هل فعلا انا ممكن اكون خدت اعفاء نهائى ساعتها وانا اللى ماروحتش استلم الشهادة يعنى هما منهم لنفسهم بيطلعوا شهادة اعفاء نهائى او يحددوا انى داخل اوتوماتيك يعنى اقصد .... ولا لازم انى كنت اروح واقدم اوراق تانى بعد ما خلصوا الخمس سنين واقدم الشهادة القديمة واستلم جديدة او ادخل التجنيد ولا مش شرط وانا كده كده لو كنت روحت كنت هلاقى شهادة اعفاء .. والسؤال التانى لو زى ما بيحصل كده وفى دفعة كاملة بتاخد اعفاء علشان الجيش مش عايز مجندين دلوقتى مثلا وانا دفعتى خدت اعفاء ساعتها بس انا اللى معرفش يبقى انا برضو لازم اروح لمحاكمة عسكرية ولا يبقى موقفى ايه ... والاهم بقى اعرف ازاى ايه اللى حصل يومها اسأل فين ومين ..يعنى انا لغاية اللحظة دى معرفش انا كان مفروض ادخل ولا لا ... انا عليا تجنيد ولا لا .. ولا الموضوع ده محسوم ومدام انا ماروحتش بعد انتهاء مده الاعفاء علشان اعرف موقفى يبقى لازم اتقدم لمحاكمة عسكرية حتى لو كنت هاخد اعفاء ساعتها بس هو القانون كده ..اتمنى اكون وضحت الصورة واتمنى اكتر انى ماكنش ضايقت حضرتك واعرف اجوبة اسالتى
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#4
يا غالى
ما دمت لم تذهب للتجنيد
أو لتجدد شهادة الاعفاء
فأنت متخلف عن أداء الخدمة ......
والحل كما ذكر أعلاه ..........
 
الحالة
موضوع مغلق

أعلى