الحالة
موضوع مغلق

lo2amody

عضو جديد
#1
'',
ورحمه الله وبركاته
لو سمحت يا حضره المستشار ارجو التكرم بالرد علي اسئلتي للضروره انا متزوجه منذ 7 سنوات ولدي طفلين وفي مشاكل دائمه مع زوجي والان انا رفعت دعوي نفقه وطلاق واخذت الشقه تمكين بالمناصفه معه واتحددت النفقه 500لي ولصغاري ورفع هو استئناف سؤالي هو 1-هل تقل النفقه علي الرغم اني رفعت زياده قبل ما يرفع استئناف والنفقه تتحدد من ساعه رفع الدعوي ولا ساعه النطق بالحكم0
2-في حاله الطلاق ما وضعي في التمكين هل اخد الشقه بمفردي0
3-هو طلب رؤيه هل لو امتنعت عن الرؤيه ما الضرر الواقع علي لانه هو طالب اولادي عند فيا انا بقالي 10 شهور عند اهلي وهو مش طلب يشوفهم وراح لابني في المدرسه وقاله كلام وحش عليا وانا خايفه علي نفسيه ولادي لانه مش سوي عايزه اعرف لو امتنعت عن الرؤيه ايه اللي يحصل ضروري0

ولسيادتك جزيل الشكر
 

gamal gamal

محامى ومستشار قانوني
#2
عليكم السلام
النفقة تحدد من تاريخ رفع الدعوى .
ويمكن لقاضى الاستئناف أن يزيدها أو يتقصها .

فى حالة الطلاق المحامى العام هو الذى يصدر
قراره فى هذا الشأن حسب ما ستقدمونه من أدلة
ومستندات .........

الرؤية حق له مرة كل أسبوع .. وان امتنعتى يمكنه
أن يسقط حضانتك للأطفال بسبب امتناعك عن تنفيذ
حكم الرؤية ....
 

lo2amody

عضو جديد
#3
'',
واضح كلام حضرتك وشكرا لحضرتك علي الاهتمام ولو سمحتلي باستفسار طيب لو سمحت انا عامله استئناف في حكايه الرؤيه لاني واخده الشقه تمكين معاه اذاي هاخد العيال واروح اوريهمله في مكان الرؤيه في مكان عام مااحنا سوا في البيت والاستئناف في شهر 4 هل انفذ الرؤيه الي يوم الاستئناف ولا لما تحكم المحكمه
وشكرا لحضرتك
 

gamal gamal

محامى ومستشار قانوني
#4
حكم الرؤية حكم عام ومجرد
يختلف عن غيره من الحقوق .
بمعنى :
أنك لو تركتى هذه الشقة وذهبتى
للاقامة فى أى شقة كانت . فهذا حقك
ولا يستطيع هو منعك من ذلك ....

لذا فإن حكم الرؤية مستقل عن كونه
مقيم معكم أو غير مقيم ........

لذا يجب عليكى تنفيذ حكم الرؤية حتى
يقضى فى الاستئناف .
 

lo2amody

عضو جديد
#5
لحضرتك وافر الشكر والاحترام علي الاهتمام
 

lo2amody

عضو جديد
#6
'',
ورحمه الله وبركاته

لو سمحتلي سياده المستشار انا فوجئت ان زوجي مدخل والدته في النفقه رغم انها تتقاضي معاشها ومعاش زوجها المتوفي بلاضافه الي النقابات فهل هذا ينقص من نفقتي انا واولادي او يؤثر علينا ولو كان يؤثر علينا اعمل ايه وجلسه استئناف النفقه قريبا هل احضر الجلسه او تنصحني حضرتك باي شيء وسؤال اخر من فضلك انا عاوزه اعمل الرؤيه ودي فهل هذا اصلح لي ولاولادي ومن يكون الرقيب في المراقبه ولو تخلفت بعد كده عن ميعاد الرؤيه هو يقدر يعملي ايه
ولحضرتك جزيل الشكر
 

gamal gamal

محامى ومستشار قانوني
#7
عليكم السلام

أكيد هو رفع دعوى النفقه للأمه
من أجل أن يخفض القاضى النفقه
لكى ........
ولكن لا تقلقى القضاه فاهمين هذه الحركات
جيدا .......
احضرى وبينى للقضى ذلك ..........
اذا وافق الزوج على ذلك فلا مشكله ...

فى حالة التخلف عن الرؤية يمكنه
المطالبة باسقاط الحضانه عنك ...
 

lo2amody

عضو جديد
#8
'',
رساله شكر وتقدير لحضرتك علي اهتمامك والله يجزاك خير ويصلح حالك وحالنا جميعا
 

lo2amody

عضو جديد
#9
ورحمه الله وبركاته
لو سمحت اريد الاستفسار عن النفقه حيث ان المحكمه حكمت لي بنفقه وعمل زوجي استئناف وهذا من شهر6-2009 وحتي الان لم اصرف شئ رغم انني حضرت اخر جلسه وقال لي القاضي ليه مصرفتيش لحد دلوقتي والمحامي يقول لما يصدر الحكم في الاستئناف والحكم ده في نصف شهر 5 وانا عرفت ان النفقه بتسقط بالتقادم لو مر عليها سنه هو الكلام ده صحيح وتنصحني حضرتك اعمل ايه
 

gamal gamal

محامى ومستشار قانوني
#10
من حقك استلام صورة تنفيذية من حكم محكمة
أول درجة . وتنفيذه جبرا على الزوج . دون الانتظار
لحكم محكمة الاستئناف ..............
وقول محاميكى الانتظار للفصل فى الاستئناف غير صحيح !!!

والحقوق الدورية المتجددة تسقط بمرور خمس سنوات بصفة عامة ...
 

lo2amody

عضو جديد
#11
ورحمه الله وبركاته
قلت للمحامي زي ماحضرتك قلتلي فرد عليا وقالي انا اتحكملي ب500 وهو مش هيبقي معاه المبلغ ده كله علشان كده المحضر هيروح يجيب اللي معاه 100 اواي مبلغ والباقي ندوخ بيه ومش هنعرف نوصله علشان كده مستنيين لما القاضي يحكم بالاستئناف علشان يبقي الحكم نهائي وننفذ بيه يالدفع يا الحبس وكمان الصيغه التنفيذيه مش بتطلع الا مره واحده يعني لو نفذنا بيها اي مبلغ معاه هنجيب منين صيغه تانيه علشان باقي المبلغ هو ده الكلام اللي قالهولي لو سمحتلي انا محتاره ياتري الكلام ده صح ولا ايه ولو مش صح في ايدي انا اعمل ايه علشان اخد حقي
 

lo2amody

عضو جديد
#12
ارجو من حضرتك الرد الله يجزاك خير اخي الكريم حضره المستشار
 

gamal gamal

محامى ومستشار قانوني
#13
الظاهر أنك محتاجه محامى آخر .
ابحثى لك عن محام ثقة وشاطر أفضل !!!
علشان يعرف يجيب لك حقوقك .
مش يضيع حقوقك ....
 

lo2amody

عضو جديد
#14
'',
ورحمه الله
اسفه لحضرتك سياده المستشار باتقل علي حضرتك بس بجد محتاجه رجل ثقه ومفيش الا حضرتك وربنا يعلم
عاوزه اعرف الاسباب اللي تخلي القاضي يحكم في قضيه الطلاق من اول جلسه وتنصحني حضرتك احضر القضيه ولا لا والجلسه القادمه طلب فيها اتنين شهود وانا احضرتهم بما يرضي الله لانهم حضروا الخلافات لمده8سنين بس فاضل علي الجلسه كام يوم تنصحني حضرتك اعمل ايه ويبقي فاضل كام جلسه كده والطلاق يتم وهل في استئناف في الطلاق
ولحضرتك جزيل الشكر
 

lo2amody

عضو جديد
#15
ارجو التكرم بالرد
 

mmmxxx

عضو جديد
#16
لا حول الله !
 

gamal gamal

محامى ومستشار قانوني
#17
أختى الكريمة
مفيش قاضى بيحكم فى القضية من أول جلسة ..
ولكن توجد اجراءات لا بد وأن تراعى ...
هناك فرق بين أن نكون على علم وثقة فى الاجراءات
التى نقوم بها ... وفى نفس الوقت لا بد من مراعاة
الأمور الأساسية لتجهيز القضية لتكون صالحة للحكم فيها
أمام القاضى ....
لذا :
لكى أن تستعينى بمحام أو أن تحضرى بنفسك وفى جميع
الأحوال لا بد من الاجراءات الشكلية كاعادة الاعلان أو عرض
الصلح من جانب المحكمة أو احالتها لمحكمين أو خلافه .
المهم من الأفضل أن يكون لك محام تثقين فيه من أهلك
أو جيرانك ........
وبالتأكيد ستجدى الكثير ...

وبالتوفيق
 
الحالة
موضوع مغلق

أعلى