الحالة
موضوع مغلق

alizo

عضو جديد
#1
'',

اولا انا بشكر القائمين علي القسم الجميل ده ويمكن دي تكون اول مشاركه ليا في هذا المنتدي لرائع ولاكن لم اجد مكانا اضع في همومي ومشكلتي سوي هنا معكم فتقبلوني وساعدوني في ما انا فيه

اولا انا اسمي محمد عندي 21 سنه التحقت بالخدمه العسكريه يوم 8/2/2009 سلاح سكرتاريا عسكريه مركز تدريب دهشور .

البدايه :
اولا انا اعاني والحمد لله من مرض في المناعه يؤدي الي حدوث التهابات وتجلتاط في القدم تمنعني عن الحركه لمده قد تصل ل 6 شهور وهذا المرض عندي منذ الصغر ولي ملفات في المستشفيات لاني تقريبا زهبت لكل من له تخصص في هذا المرض ولاكن ليس له علاج سوي المتابعه والراحه التامه وقد قمت بعمل عمليه في قدمي اليسري منذ 5 سنوات لوجود جلطه فيها ومعي من الاوراق ما يثبت ذالك .
تقدمت للتجنيد وانا اعرف اني غير لائق طبيا الا ان الطبيب لم يعر اي اهتمام لحالتي وقالي مدام واقف قدامي تبقي معافي قلتله حضرتك انا معايا ما يثبت حالتي ومستعد لتوقيع الكشف الطبي الكامل علي للتاكد قال لي "الي بعده"
طبعا خرجت وانا لا اعرف ما افعل والتحقت فعلا بالخدمه العسكريه ومنذ 3 يوم لي في مركز التدريب بدائت قدمي في التورم وحدث لي نزيف داخلي في الركبه اليسري وتم علي اثرها نقلي لعياده الوحده مما جعل الدكتور المتواجد بكتابه راحه عنبر لمده 10 ايام لي وقيام قائد لواء الطلبه العقيد شعيب بجعلي اتصل علي اهلي من مكتبه لاحضار العلاج الازم لي وبعد العشرا ايام بدات قدمي للتماثل للشفاء وحدثت مشاكل مع الصولات بسسب الموضوع اتهموني اني الفق الامر حتي اترك الجيش ولم يكن مني الي اني انهرت امامهم وبدات في سبهم وكدت ان اضرب احدهم وتم اخراجي للكشف الطبر في مستشفي حلميه الزيتون وحينما شاهدني الدكتور قال لي انته ازي يابني دخلت الجيش انته عندك اشتباه في جلطه في رجلك ونزيف دخلي ادي للتجلط ده طبعا انا كنت عارف حالتي مسبقا .
المهم
اعطاني ورق ما يفيد بعرضي علي مستشار وقالي بعد العرض تستلم ورق المعافاه غير لاءق طبي وقالي دلوقتي انا كتبتلك علي اجازه لمده 15 يوم من مركز التدريب يعني هترجع وحدتك تسلم حجتك وتروح بس دلوقتي انته هتتعرض علي مستشار طبعا انا مكنتش فاهم يعني ايه عرض علي مستشار واداني الورق
واثناء خروجي من عند الدكتور كان معي الصول الزي قمت بشتمه من قبل فقام باخز الورق وقالي لازم نرجع الوحده حالا قلتله حضرتك انا عندي عرض علي مستشار قالي بعدين بعدين قلت ماشي
وبمجرد عودتي قام بتقطيع الورق قمت باشكوي العقيد واللواء وكل من استغست بهم قالو لي بالحرف "لو مش عاجبك اهرب"
ومع اول اجازه مرجعتش تاني لظروف مرضي
بس انا دلوقتي مش عارف اشتغل ولا اي حاجه ولا حتي عارف ازور ورق وخايف اني اتمسك وخايف ان حد يجي يقبض عليا انا تقدمت بشكوي للاداره العامه لامانه الدفاع وللوزير شخصيا ولم يحدث شئ وقالولي احنا بعتنا لجنه تفتيش وقالو انك اصلا متعبتش ومرحتش مستشفي !!!!!!!!!!!!!!!!!!!!!!!!!!!!!!!!!!!!

طيب انا لو رجعت دلوقتي الي الي هيحصلي بالظبط هتسجن اد ايه وفين وهكمل وحدتي ولا لاء
وهل ممكن يقوم محامي بحل المشكله دي ويجبلي حقي
انا اسف بجد اني طولت عليكم بس صدقوني انا تعبان قوي ومحتاج حد جمبي
وشكرا ليكم
 

gamal gamal

محامى ومستشار قانوني
#2

مسألة الهروب من الجيش دى مشكلة كبيرة جدا .
وما كان ينبغى أن تقدم على هذا ...
ولكن الأمر لله وحده .
المهم أنك لو رجعت ستحاكم وتحبس ...
وان بقيت هارب ها تعانى لحد ما تكمل الثلاثين ..
وبصراحة هى مشكلة فى الحالتين !!!!
 

عبدالرحمن

الوسـام الماسـي
#3
الله يكون فى عونك

اخوك من الجزائر
 

ddsf

عضو مميز
#4
لاحول ولا قوة الا بالله

اعانك الله على شكواك

وحسبى الله على كل ظالم
 

alizo

عضو جديد
#5
ربنا يخليكم وبجد انا الموضوع ده خنقني قوي ونفسي في حد يريحني منه
 

mahmoudhassan

عضو مشارك
#6
حسبي الله ونعم الوكيل في كل ظالم

وكل جندي من جنود فرعون

اللهم ارحم المستضعفين في مصر
 

m.eldriny

عضو مشارك
#7
بعد أسفي ..لما قرأت موضوعك رجعني بذاكرتي الى 2\7\1998 عندما دخلت الجيش وحصلي نفس السيناريو بتاعك تقريبا بل وأكثر- وهربت وما زلت حتى الان يعني من12سنة-.. فأدركت ما تحس به الان خاصة أول 4أو5سنوات من رحلة الهروب..وعايز أساعدك ولو بالمعلومة.للأسف لو رجعت الان حتتسجن 11شهر وعودة الى الجيش مرة أخرى وحيكون في السجن الحربي ولو كملت حتعاني نفس معاناتي في البداية وهنا ما أودالنصيحة به لو لم تكن ميسور الحال ففكر جديا في العودة 2سنة افضل من ضياع 9سنين كل شئ بيتوقف خلالهم وتتضاعف المعاناه.. أما لو كنت قادرا فسيمشي الحال وتسطيع عمل بزنس حتى الثلاثون ويتبقى الجانب النفسي في الموضوع في الحالتين!!هذا هو الواقع من وجهة نظري وربنا يعينك ويقويك
 

alizo

عضو جديد
#8
الف شكر ليكم علي المتابعه وانا شاكر ليك علي المعلومه المهمه بس المشكله مش في السنتين او ال 9 سنين المشكله اني مش هينفع ارجع لاني هتعب ومش هقدر اكمل وانا بحاول اعمل اي مشروع حاليه وربنا يسهل
 

m.eldriny

عضو مشارك
#9
يبقى حاول تحافظ على نفسك بعدم التواجد في أماكن مشبوهة او أوقات متأخرة ولا تخاف من الكشف عليك بالاسلكي في كمين مثلا لأنه لا يظهر غير الأحكام فقط ولا يظهر الهاربين غير عند مندوب التجنيد بالقسم التابع لك ولكن المشكلة أنهم يطلبون الموقف التجنيدي فالمفروض أن يكون معك صورة فقط ومحدش حيجيلك البيت غير أول سنة بس مرة او أتنين وبعدها الملف بيحفظ وعيش حياتك عادي وأهم نصيحة في الموضوع ده لا تعرف أحدا شئ مهما كان حتى حيطان بيتك !وأسأل مجرب وربنا يوفقك ويحميك ويسترها معاك في رحلة ال9سنوات المتبقية
 

dr_asaos

عضو مشارك
#10
لا حول ولا قوة الا بالله...ربنا معاك
 

Mr. GreenX

عضو فعال
#11
بعد أسفي ..لما قرأت موضوعك رجعني بذاكرتي الى 2\7\1998 عندما دخلت الجيش وحصلي نفس السيناريو بتاعك تقريبا بل وأكثر- وهربت وما زلت حتى الان يعني من12سنة-.. فأدركت ما تحس به الان خاصة أول 4أو5سنوات من رحلة الهروب..وعايز أساعدك ولو بالمعلومة.للأسف لو رجعت الان حتتسجن 11شهر وعودة الى الجيش مرة أخرى وحيكون في السجن الحربي ولو كملت حتعاني نفس معاناتي في البداية وهنا ما أودالنصيحة به لو لم تكن ميسور الحال ففكر جديا في العودة 2سنة افضل من ضياع 9سنين كل شئ بيتوقف خلالهم وتتضاعف المعاناه.. أما لو كنت قادرا فسيمشي الحال وتسطيع عمل بزنس حتى الثلاثون ويتبقى الجانب النفسي في الموضوع في الحالتين!!هذا هو الواقع من وجهة نظري وربنا يعينك ويقويك

يا ريت حضرتك تقول لنا عملت ايه فى موضوع جيشك
وشكرا جزيلا
 

maza

عضو جديد
#12
m.eldrinyياريت حضرتك تعرفنا عملت ايه لما نزلولك البيت لان لي صديق عمل الورق ومارحش يوم الترحيل ولا سمع سلاحه وهل الورق بيروح مركز التدريب من غيرالشخص يحسن هو قلقان وشكرا لحضرتك
 

alizo

عضو جديد
#13
يبقى حاول تحافظ على نفسك بعدم التواجد في أماكن مشبوهة او أوقات متأخرة ولا تخاف من الكشف عليك بالاسلكي في كمين مثلا لأنه لا يظهر غير الأحكام فقط ولا يظهر الهاربين غير عند مندوب التجنيد بالقسم التابع لك ولكن المشكلة أنهم يطلبون الموقف التجنيدي فالمفروض أن يكون معك صورة فقط ومحدش حيجيلك البيت غير أول سنة بس مرة او أتنين وبعدها الملف بيحفظ وعيش حياتك عادي وأهم نصيحة في الموضوع ده لا تعرف أحدا شئ مهما كان حتى حيطان بيتك !وأسأل مجرب وربنا يوفقك ويحميك ويسترها معاك في رحلة ال9سنوات المتبقية
ربنا يخليك يا رب بس انا عايز اعرف لو جم البيت مين هيجي وهيعملو ايه وانا اتصرف ازاي ساعتها وبالنسبه لموضوع متعرفش حد ففللأسف ولدتي حكت للناس كلها :333:

وهل ممكن ان حد يبلغ عني لو عملت معاه مشكله او كده وفي سؤال تاني لو حصل واتسئلت في كمين عن الشهاده اعمل ايه اتصرف ازاي لان انته اكيد عندك خبره في الموضوع ده مع العلم ان بطاقتي مكتوب فيها طالب و ممكن اضرب اي كرنيه بتاع اي كليه هل يمشي الموضوع ولا ايه الحكايه
وبجد انا مش عارف اشكرك ازاي ولو ممكن تقولي علي ميلك ونبقي اصدقاء يشرفني
 

m.eldriny

عضو مشارك
#14
يا ريت حضرتك تقول لنا عملت ايه فى موضوع جيشك
وشكرا جزيلا
أنا لسة مرحتش بس بأهل نفسيتي للموضوع... وأنا واعد سيادة المستشار جمال أنني سوف أحكي كل شئ بخطواتها حتى يستفيد الجميع..وأنا عارف أنك مستني أي حد يروح للأطمئنان.. فلا تقلق
 

m.eldriny

عضو مشارك
#15
ربنا يخليك يا رب بس انا عايز اعرف لو جم البيت مين هيجي وهيعملو ايه وانا اتصرف ازاي ساعتها وبالنسبه لموضوع متعرفش حد ففللأسف ولدتي حكت للناس كلها :333:

وهل ممكن ان حد يبلغ عني لو عملت معاه مشكله او كده وفي سؤال تاني لو حصل واتسئلت في كمين عن الشهاده اعمل ايه اتصرف ازاي لان انته اكيد عندك خبره في الموضوع ده مع العلم ان بطاقتي مكتوب فيها طالب و ممكن اضرب اي كرنيه بتاع اي كليه هل يمشي الموضوع ولا ايه الحكايه
وبجد انا مش عارف اشكرك ازاي ولو ممكن تقولي علي ميلك ونبقي اصدقاء يشرفني
طبعا ضابط مباحث والقوة المرافقة له وسيحاولون تفيش البيت ولكن يجب أن تطلبو أذن النيابة وتصرو عليه وهم غالبا مش بيكون معاهم أذن ولو أصرو بالقوة أعرف اسم الضابط وبلغوه بأدب أنه أجراء غير قانوني وأنك ستشتكي لمفتش الداخلية ورئيس النيابة..ولو قابلك كمين ففعلا كارنيه الكلية يعفي من طلب الموقف التجنيدي منك لأن سنك صغير وخلي البطاقة طالب أطول وقت ممكن..وطبعا أي حد يبلغ عنك يسببلك مشكلة كبيرة..لذا فعليك بضبط النفس وحاول أن لا تصعد الأمور مع أي حد وهذا بالتأكيد سيجعلك تتنازل عن حقوق كثيرة لك وتكون مظلوم فيها جدا ومقهور جدا ولا تستطيع أن تفعل شئ حتى لا تخسر كل شئ !!للأسف هذا هو الواقع وهذه هي الضريبة وهذا ما حدث معي كثيرا وما زال!..بالنسبة للأيميل يشرفني طبعا بس أعتقد أن شروط المنتدى تمنع ذلك وربنا يسترها معاك.
 

m.eldriny

عضو مشارك
#16
واضح أنك متغيب من سنة وواضح كمان أن مفيش حد جالك فلو هذا صحيح..فأطمئن فلن يأتو أليك لأنهم بييجو بعد شهرين الى ثلاثة من غيابك عندما تصل اشارة من وحدتك للقسم التابع لك.. وده كان زمان وأعتقد الان مبيدوروش على حد والله المستعان
 

maza

عضو جديد
#17
m.eldrinyياريت حضرتك تعرفنا عملت ايه لما نزلولك البيت لان لي صديق عمل الورق ومارحش يوم الترحيل ولا سمع سلاحه وهل الورق بيروح مركز التدريب من غيرالشخص يحسن هو قلقان وشكرا لحضرتك يحسن انا معرفش
 

ddsf

عضو مميز
#18
طبعا ضابط مباحث والقوة المرافقة له وسيحاولون تفيش البيت ولكن يجب أن تطلبو أذن النيابة وتصرو عليه وهم غالبا مش بيكون معاهم أذن ولو أصرو بالقوة أعرف اسم الضابط وبلغوه بأدب أنه أجراء غير قانوني وأنك ستشتكي لمفتش الداخلية ورئيس النيابة..ولو قابلك كمين ففعلا كارنيه الكلية يعفي من طلب الموقف التجنيدي منك لأن سنك صغير وخلي البطاقة طالب أطول وقت ممكن..وطبعا أي حد يبلغ عنك يسببلك مشكلة كبيرة..لذا فعليك بضبط النفس وحاول أن لا تصعد الأمور مع أي حد وهذا بالتأكيد سيجعلك تتنازل عن حقوق كثيرة لك وتكون مظلوم فيها جدا ومقهور جدا ولا تستطيع أن تفعل شئ حتى لا تخسر كل شئ !!للأسف هذا هو الواقع وهذه هي الضريبة وهذا ما حدث معي كثيرا وما زال!..بالنسبة للأيميل يشرفني طبعا بس أعتقد أن شروط المنتدى تمنع ذلك وربنا يسترها معاك.
لا اعتقد انه بيفيدك كارنيه كليه لانه بالنظر الى بطاقتك ولقى ان عمرك فى حدود ال 28 او 29 فسيصبح موقفك حتما فى شبهة لان الكليه تؤجل التجنيد لسن ال 28 فقط وبعدها توقف قيدك فى الكلية لحين بيان موقف تجنيدك ..التزم الحذر
 

king.stillwill

عضو ذهبي
#19
طيب مش ينفع تروح للدكتور اللي عملك الورق ده تاني واحكيله وخليه يمضيلك على ورق تاني انك هتتعرض على مستشار وان المرض عندك وارجع ولو حتى اتسجنت احسن لك من الهرب طول حياتك المعاناة وانت في محاولاتك واثبتاتك طول فترة التجنيد تعرف تعمل حاجة

ومعلش انا لسه مدخلتش الجيش بس معرفتش اسيب الموضوع اخرج من غير لما اقول اي حاجة حتى اقتراح ممكن يفيد

ربنا معاك
 

m.eldriny

عضو مشارك
#20
لا اعتقد انه بيفيدك كارنيه كليه لانه بالنظر الى بطاقتك ولقى ان عمرك فى حدود ال 28 او 29 فسيصبح موقفك حتما فى شبهة لان الكليه تؤجل التجنيد لسن ال 28 فقط وبعدها توقف قيدك فى الكلية لحين بيان موقف تجنيدك ..التزم الحذر
ده كلام سليم لما يوصل ل28سنة لكن هو الان 21فقط كما ذكر في البداية
 
الحالة
موضوع مغلق

أعلى