الحالة
موضوع مغلق

m.eldriny

عضو مشارك
#1
هربت من التجنيد منذ سنة 99 بعدما قضيت أسوء7 شهور فيه وحتى الان مازلت هارب.. وعندي الان 32 سنة فما موقفي الان هل هو غرامة فقط ام السجن ؟ سمعت محاميين يقولو انها غرامة فقط لانني تجاوزت 30سنة فلو كان ذلك صحيحا فهل يتساوى الذي لم يتقدم اصلا للجيش مع الذي دخل وهرب ؟ام هناك لبس في الامر؟ مع العلم انني سنة 99 كان اللي يوصل 38سنة يسلم نفسه ويعرض على محكمة عسكرية ويحكم عليه ب6شهور سجن مع ايقاف التنفيذ كونه كبار سن اما اي سن اقل من ذلك يسجن وهذا انا عاصرته بنفسي..فارجوكم حد يرد علي(بس ياريت يكون متأكد) اين الصواب لان ده فعلا كابوس حياتي؟ ولكم مني جزيل الشكر والتقدير
 

المحامي زياد

مستشار قانوني سوري
#2
على ما أظن أن العقوبة هي السجن وليست الغرامة وإذا أردت الإستفسار بشكل دقيق راسل المحامي جمال في الموقع
 

m.eldriny

عضو مشارك
#3
اشكرك على اهتمامك بالموضوع
 

gamal gamal

محامى ومستشار قانوني
#4

أخى الكريم
العقوبة فى الأصل هى السجن والغرامة ...
ولكن ما يتم القضاء به حاليا هو الغرامة فقط
لمن وصل سن الامتناع 30 سنة ........
 

m.eldriny

عضو مشارك
#5
سيادة المستشار يعني رايك اذهب بنفسي الى السجلات العسكرية بالمستندات_واين مكانها؟_ وسيتركوني امشي في نفس اليوم لحين تحديد موعد للمحاكمة التي سوف تحكم بغرامة فقط-ايا كانت مبلغها-..هل سيادتك متاكد بنسبة مليون في المية؟ لانني صاحب شركة ناجحة ناهيك عن قروض بمبالغ كبيرة من عدة بنوك يستحق لها اقساط شهرية كبيرة ناهيك عن اكثر من 10 اسر جعلني الله سبب في رزقهم ناهيك عن زوجة وطفلين ناهيك عن انني لو دخلت السجن يوم واحد سوف انتحر(وقد حاولت ذلك سنة 99) اتمنى ان تعذرني ويتسع صدرك لان موقفي حساس شوية..وماذا لو كان القاضي يومها متضايق شوية وحكم بسجن +الغرامة !!هل ممكن ولا مستحيل ؟
 

gamal gamal

محامى ومستشار قانوني
#6
استعن بمحام معك يا غالى

والعقوبة 100 % تكون الغرامة
بس بشرط اذا تم سؤالك عن سبب
تهربك تجيب بكل ذوق وأدب أن ظروفك
لم تمكنك من أداء الخدمة . وتذرع بأى
سبب ... بكل أدب وتواضع ...
وأضمن لك انتهاء الموضوع بالغرامة
ان شاء الله ....

وبالتوفيق فى حياتك وعملك ....
 

m.eldriny

عضو مشارك
#7
سيادة المستشار لك مني جزيل الشكر على اهتمامك بالموضوع ولانك بعثت في الامل من جديد ولثقتي بالله ثم بكم نويت الذهاب قريبا جدا بس معلش لي اخر ثلاثة اسئلة 1-عند التقدم في البداية سيتركوني امشي لحين ميعاد المحاكمة ام سيتحفظو علي ؟ 2-هل يسمحو لوالدي بالدخول معي للقاضي ام للمحامي ام لا احد ؟ 3-عندي ذريعة حقيقية عبارة عن روشتات أدوية كثيرة من ثلاثة أطباء نفسيين مختلفين بتواريخ من 14سنة مضو ولكنها عيادات خاصة هل اظهرها للقاضي ام ممكن يعتبرها مفبركة وتصبح ضدي؟ واسف اسف للاطالة عليكم وأعانكم الله على مساعدة الناس... وشكرا جزيلا
 

gamal gamal

محامى ومستشار قانوني
#8
1- اذا ذهبت لادارة التجنيد وحصلت على دوسيه
التخلف ومعك بطاقتك وأوراقك الرسمية لتحديد
موعد للمحاكمة العسكرية . فستقدمها ثم ترجع
الى بيتك بعد أن يحددوا لك موعد للمحاكمة ...
2- عادى جدا أن يتواجد معك والدك أو محاميك ...
3- لن تحتاج هذه الفواتير مطلقا ..

4- هذه من عندى : لا تقلق والموضوع أبسط مما تتخيل ..
ولكن بشرط :
أن تطمئن اخوانك بالمنتدى بما يتم معك !!!
موافق ...
 

Mr. GreenX

عضو فعال
#9
يا ريت تخبرنا بما سيحدث معك
ولك جزيل الشكر
 

m.eldriny

عضو مشارك
#10
موافق جدا ووعد مني اعلان كل شئ... اشكر سيادتك جزيل الشكر
 

madam engy

عضو جديد
#12
السلامو عليكم...اولا انا اول مره اشارك في المنتدى الجميل دا وكنت بقرا منه قبل ما اشارك فيه وربنا يوفقك بجد كل الاعضاء الكرام اللي بيرودو على المشاركين..ثانيا ربنا يوفقك يا m.eldirny
وتطمنا لان انا جوزي بيعاني من نفس المشكله تقريبا يعني..فانا محتاجه اطمن عشان اطمنه..ربعا لو مافيهاش ازعاج انا لسه مسجلة في المنتدى امبارح ومستنيا التفعيل يوصل عشان عندي مشكله نفسي اي حد من مستاشارينا الكرام يساعدني فيها لاني بجد انا وجوزي مش عارفين نعمل ايه؟؟ لو مافيهاش ازعاج ممكن اعرضها هنا لاني مش عارفه اكتبها كموضوع لوحدو
تسمحولي اني اكتبها هنا؟؟؟
جوزي هيتم ال21 سنه في شهر 7 دا ان شاء الله...خلص دراسة ثناويه عامه في الامارات وبعدين رجع مصر ودخل جامعه اعد فيها سنة واحده بس وبعدين سابها..هوه المفروض يقدم دلوقتي على الجيش بس مراحش ولا قدم..وهوه دلوقتي بيشتغل في الغردقه انا فهمت من حضارتكو ان لو وضع زي كدا في حكم هارب من الخدمه ولو قدم نفسه دلوقتي حيتحبس دا غير ان فترة تجنيده هتزيد سنه...وتقريبا اتمسك مرتين وربنا سترها معاه لان ليه قرايبه ساعدوه وطلعوه مش عارفه ازاي..انا فكرت انه يكمل دراسته ويرجع تاني للجامعه على السنه الجديده ان شاء الله عشان موضوع الجيش دا
انا طبعا طول عمري عايشه بره وماعرفش اي حاجه في قوانين العسكريه في مصر ف انا مش عارفه لو ينفع الموضوع دا ولا لاء؟؟؟
ياريت تفيدوني لاننا ربنا عالم بحالنا وقد ايه على اعصابنا خصوصا انا لانه في مصر وانا اعدا في الامارات مع اهلي ..نتصرف ازاي؟؟خصوصا ان وضعنا دلوقتي ماينفعش خالص انه يسلم نفسه للجيش لاننا في بداية حياتنا وبنكون نفسنا لسه ...لو سمحتو اي حد عندو فكره عن الموضوع ياريت يرد عليا وياريت الاستاذ/جمال هوه اللي يتفضل عليا ويديني الجواب الشافي
وأسفه على الاطاله....
 

madam engy

عضو جديد
#13
ارجو الرد من سيادة المستشار الاستاذ/جمال جمال للضروره.

...
قبل ما ابتدي في طرح مشكلتي انا حابه اعرف ازاي اعرف بموضوع التفعيل في المنتدى..انا من امبارح وانا بحاول اكتب الموضوع بتاعي ومش عارفه وكل شويه يكتبلي اني لازم اسجل مع اني مسجله وكل حاجه؟؟؟؟
 

m.eldriny

عضو مشارك
#15
على قدر معلوماتي الشخصية من خلال رحلة معاناتي مع الجيش انه لا يعتبر متهرب لانه لم يتقدم ولكن يعتبر متخلف ولو اتمسك لن يسجن ولكن سيأخذوه ليدخل الجيش وخاصة لانه في الغردقة حيث التفتيشات...والسنة زيادة في الجيش معناها 45يوم زيادة فقط وليست 12شهر واعتقد ان امثل حل كما قلت يرجع الدراسة ليستفيد بالتأجيل الذي يمنحه فرصة السفر حتى سن 28 سنة وستعاد نفس المشكلة وقتها ولكن أقل من الان لانه سيكون باقي سنتين فقط على عدم قبوله بالجيش.. هذه المعلومات شخصية وغير مأكدة وهي فقط حتى يرد عليك سيادة المستشار جمال أكرمه الله بمساعدته للمحتاجين
 

madam engy

عضو جديد
#16
متشكره اوي على اهتمامك..وربنا يريح بالك ويوفقك
 

madam engy

عضو جديد
#17
بس انا برده ما سمعتش رأي مستاشرنا الكبير في الموضوع هل انا كدا بفكر صح وايه ايه؟؟
 

maza

عضو جديد
#18
ياريت حضرتك تعرفنا عملت ايه لما نزلولك البيت لان لي صديق عمل الورق ومارحش يوم الترحيل ولا سمع سلاحه وهل الورق بيروح مركز التدريب من غيرالشخص يحسن هو قلقان وشكرا لحضرتك يحسن انا معرفش
 
الحالة
موضوع مغلق

أعلى