الحالة
موضوع مغلق

mrroto

عضو جديد
#1
انا متزوج من سنه تقريبا ومراتى حامل الان فى الشهر التاسع والمشاكل بينا بتزيد يوم بعد يوم وهى انسانه صعبه جدا واهلها بيساعدوها على كده بالذات (ابوها وامها) ولا تكن اى احترام لاهلى وساعات كتير بتعمل معايا مشاكل علشان خاطر اهلها والحياة بقت صعبه اوى معها والصراحه انا افكر فى الطلاق مع العلم ان الشقه باسمى ويوجد مواخر ب 60000 بالاضافه الى القائمه فارجو من سيادتكم توضيح وضع الشقه بعد الطلاق هل سوف تاخذ الشقه منى ام لا وما المصاريف التى سوف اكون ملتزم بها امام القضاء برجاء الرد ومساعدتى لانى لا استطيع التحمل اكثر من ذلك وجزاكم الله كل خير
 

gamal gamal

محامى ومستشار قانوني
#2

اذا كانت الشقة ايجار ستسطيع أخذها منك
اذا كانت حاضنة .
واذا كانت تمليك فستأخذ منك أجر مسكن حضانة .
وحقوقها الأخرى هنا :

http://www.damasgate.com/vb/t/168124/
 

mrroto

عضو جديد
#3
الشقه تمليك وباسمى وربنا يكرمك زى ما ريحت قلبى لانى حاطط فى الشقه دى كل ما املك علشان اجبها تمليك الحمد لله ربنا يجزيك كل خير ويبارك فيك طيب لى سوال اخر بعد اذنك ما وضع الطفل اللى جى فى السكه ده هشوفه ازاى وكل اد ايه وهل من الممكن ان اقوم انا واهلى بتربيته بدلا منها ؟
 

gamal gamal

محامى ومستشار قانوني
#4
عليك برفع دعوى رؤية لرؤية الولد
كل أسبوع مرة بأحد مراكز الشباب
أو دور الحضانة أو أى مكان عام ....

كذلك عليك الاستعانه بمحام بعد
طلاقها مباشرة . للكشف عن وجود
قرار تمكين للشقة من عدمه ...
لكى لا تأخذ أى شهود ويقررون
بغير الحقيقة . لتنازعك فى شقتك ...
 

mrroto

عضو جديد
#5
استاذ جمال انا مش فاهم النقطه دى يعنى ممكن تاخد الشقه منى؟؟؟ انا معايا عقد الشقه ورايك اخليه باسمى ولا اكتبه باسمى والدى معلش استحملنى لانى هتجنن بجد
 

gamal gamal

محامى ومستشار قانوني
#6
نعم
بإثنين شهود زور
يمكنها أن تأخذ شقتك ....
 

mrroto

عضو جديد
#7
الشهود دى تشهد بايه؟ انا مش فاهم معلش اعذرنى
 

gamal gamal

محامى ومستشار قانوني
#8
دى مسألة يطول شرحها .
كل الحكاية باختصار أنها لو أخذت
معها اثنين شهود يشهدوا إن الشقة هذه
هى شقة الزوجية . ولم تعلم بها أو لم تتابع
هذا المحضر . فمن الممكن أن يصدر لها قرار
تمكين من المحامى العام لهذه الشقة ..
لذا
قلت لك ان طلقتها ينبغى أن تلجأ لمحامى ليكشف
عن وجود محضر او طلب تمكين منها من عدمه .
ويكفى الكشف مرة واحدة كل شهر -بعد الطلاق-
حتى تكون على بينه ....
 
الحالة
موضوع مغلق

أعلى