الحالة
موضوع مغلق

m.challenger70

عضو جديد
التسجيل
23/2/09
المشاركات
8
الإعجابات
0
#1
من يجرى يقول
كلمات الشاعر الغنائي علي الكيلاني


مين يجري يقول هذا مش معقول
في يوم الجمعة وعيد لاضحي العيد الكبير
في يوم الوقفة علي عرفة يعدم لاسير
هذي العراق الجديدة
ديمقراطية الفريدة
هذا التصالح بين لخوة وهذا الوفاق
يبدأ بالجثث المحروقة وقطع الأعناق
بفرق الموت الرهيبة
سمعت بوغريب العجيبة
بين سنة وشيعة يتوسط لإمام بلير
في يوم الوقفة علي عرفة يعدم لاسير
‏***‏
قالولا بدت محكتك نبدأ بـ س
قاللهم قاريء للإخلاص وطه ويس
قالولا إيدك ع المصحف وأقسم يمين
قاللهم نقسم علي المصحف أنكم خاينين
قالولا تحلم والباين عندك حنين
قاللهم اثأر لبغداد وقانا وجنين
قالولا تنادي بالوحدة وحدودك وين
قاللهم تبدأ بمراكش حتي البحرين
قالولا وين القومية والقوميين
قاللهم للوطن العربي هي الشرايين
قالولا أتدرب وتمول في الفدائيين
قاللهم والله النا النية في فلسطين
قالولا إذاعتك تصرخ وين الملايين
قاللهم بكرة لقبري بيجوا زايرين
قالولا برا خرجنا المحاميين
قاللهم أنا محامي صدام حسين
قالولا أولادك قتلنا ماتوا الاثنين
قال النشامي سموهم بالرافدين
قالولا بنتك تستقبل في العزايين
قاللهم رغدة ماتنزل دمعة من عين
قالولا جوزتك ما حضرت يوم التأبين
قاللهم ساجدة للعالي وتعرفني زين
قالو حفيدك قاومنا ما باش يلين
بدا يتبسم قاللهم قاريء حطين
قالولا القادة بإعدامك الكل مبسوطين
تنهد قاللهم هو هذا السر الدفين
من يجري يقول هذا مش معقول
ليش المراجع ما تراجع طرح السؤال
كل العراق بيتحول دجيل وانفال
بصمات أمريكا موجودة في العمة البيضا والسودا
في جبة كردي ماهو عادل لا واسع بال
في جلسة وقاعة أمنها جيش الاحتلال
دستور بريمر وأذنابه في قادة جو عالدبابة
في جيش بيرقص فوق جثة معدوم أسير
هذي العراق الجديدة
ديمقراطية الفريدة
بين سنة وشيعة يتوسط لإمام بلير
في يوم الوقفة علي عرفة يعدم لاسير
‏***‏
قالولا جيشنا في قصرك والعرش انهار
قاللهم قصري في الجنة بين الابرار
قالولا رجالك مطبوعة علي ورق قمار
قاللهم شعبي المقاوم كله ثوار
قالولا صورتك شلناها من ع الدينار
قاللهم صورتي محفورة في قلب الاحرار
قالولا شلنا تمثالك في لحظة طار
قاللهم حط في بنغازي جنب المختار
قالولا تسعي بيش تملك أسلحة دمار
قاللهم والله لو عندي ما هذا صار
قالولا وصلنا لعنقك وما بينا ثار
قاللهم عارف شن داير زيدوا العيار
قالولا موتك مؤكد ليش الإصرار
قاللهم هذا شعاري الموت ولا العار
قالولا إعدامك ما ينقل شي من الأسرار
قاللهم بثوا مباشر عبر الأقمار
قالولا أخبارك معروضة ع المستشار
قاللهم حتي وأنا مت نطلع الأخبار
من يجري يقول هذا مش معقول
‏***‏
قالولا استسلم ونبدل هالـ الحال بحال
قاللهم ذلة وأنا اسمي ما فيش ذال
قالولا غادر كلاجيء وارحل في الحال
قاللهم عيب يقولوها وهذا ما مازال
قاللونا خايف ومستسلم ومنها وذال
جتنا الحقيقة اتشرف عبر النقال
قالولا الرجلة ماتنفع مرات هبال
قاللهم هلها اتنا ليها هاتوا الحبال
قالولا الحبل اللي فـ عنقك ما يجيبه مال
قاللهم خلا يجي يوم وايجيبه رجال
بين سنة وشيعة يتوسط لإمام بلير
في يوم الوقفة علي عرفة يعدم لاسير
في جيش بيرقص فوق جثة معدوم أسير
في يوم الوقفة علي عرفة يعدم لاسير
<?xml:namespace prefix = o ns = "urn:schemas-microsoft-com:eek:ffice:eek:ffice" /><o:p></o:p>

<o:p></o:p>
 

الحالة
موضوع مغلق

أعلى