الحالة
موضوع مغلق

(حربي والعز دربي)

عضوية الشرف
التسجيل
4/6/08
المشاركات
3,476
الإعجابات
1,671
الإقامة
السعودية - الشرقية
#1


اهدي هذه القصيدة من القلب الى القلب لاخوي الكريم ابورايد .

واقول:

من زود طيبك ياعسى الله يخليك
ياسيدي شرواك وافي وكافي

جيتك وانا كلي امل انتخي فيك
والخير منَك للمعازيب ظافي

لك سلطتن تفرض علينا نداريك
انت المدير ولازم إنَـــا نخافي

فرظت هيبتك بسلاسة مباديك
من يوم شفتك وانت شخص احترافي

في نظرتي ياخوك محد(ن) يجاريك
انت البحر ماشفت فيك اختلافي

وانا يابورايد عسى الله يعافيك
ابطلبك مادام مابه كلافي

في منتدى الخبرات نبغى مساعيك
محتاج جاهك يالرفيق السنافي

وان كان بالاشراف صعبة نحاكيك ...
من دونها راسك على الطيب وافي

تبقى ويبقى فيك وافي معانيك
ويبقى غلاكم داخل القلب دافي

وسلاااااامتكم
...
 

iayd

عضوية الشرف
التسجيل
5/3/06
المشاركات
7,523
الإعجابات
2,334
#2
حياك الله اخوي سجين المعانات ... شعر تمام
والله يستاهل هل الابيات الجميلة في حق بو رائد ...

بس تراك ورطت الرجال :wow: .

وانا يابورايد عسى الله يعافيك
ابطلبك مادام مابه كلافي

في منتدى الخبرات نبغى مساعيك
محتاج جاهك يالرفيق السنافي
جميل جدا ... تقبل تحياتي
 

(حربي والعز دربي)

عضوية الشرف
التسجيل
4/6/08
المشاركات
3,476
الإعجابات
1,671
الإقامة
السعودية - الشرقية
#3
حياك الله اخوي سجين المعانات ... شعر تمام
والله يستاهل هل الابيات الجميلة في حق بو رائد ...

بس تراك ورطت الرجال :wow: .



جميل جدا ... تقبل تحياتي
شرااااااااااايك فيني بس


هههههه

يااااااااهلاااااااا فيك اخوي عايد ومشكووووووور على مرورك الجميل يالغالي

وابورايد ماشاءالله عنده دفرنسين ... يقدر يطلع من الورطه بسهولة
 
الوميض الازرق

الوميض الازرق

مهندس التصميم و الجرافيكس
التسجيل
3/6/04
المشاركات
7,494
الإعجابات
6,999
العمر
64
#4
يابعد حيي وميتي يا سجين المعاناة يا زين قوافيك ومدك وجزرك يازين هالحروف..يمين الله ماعليك زود..يا بعد حيي على هالنبطي وإلا تقل بحور هجيني...وعاد والله بعد هالقصيدة وربطة هالشماغ ماعلى أبو رايد غير يلبي الطلب على عجل:سجين المعاناة مشرف بالمنتدى وعلى المكان أللي باغيه..فديتك ياسجين المعاناة والله كبير ..وخطير..ياولد ترى شعرك مخمس وهذا الشعر مايقوله إلا إعيال شيوخ..وناس(ن) راعية إقهوة وهيل..وبساطهم دوم للضيف ممدود..وزادهم مولم والفرش مزهب ومعطر..وهرجهم يوافق العقل والدين..والله إكبرت بعيني يابعد عين شمر...-------وأنا أبا أطلبك يا أبو رايد ويانيو ستار وياكل المشرفين تكفون تكفون تحطون سجين المعاناة مشرف كبير على أي منتدى يباه فديته أنا ترانا ننخاكم ونبي الفزعة بالحال..قولوا أبشروا وتم..
 

(حربي والعز دربي)

عضوية الشرف
التسجيل
4/6/08
المشاركات
3,476
الإعجابات
1,671
الإقامة
السعودية - الشرقية
#5
يابعد حيي وميتي يا سجين المعاناة يا زين قوافيك ومدك وجزرك يازين هالحروف..يمين الله ماعليك زود..يا بعد حيي على هالنبطي وإلا تقل بحور هجيني...وعاد والله بعد هالقصيدة وربطة هالشماغ ماعلى أبو رايد غير يلبي الطلب على عجل:سجين المعاناة مشرف بالمنتدى وعلى المكان أللي باغيه..فديتك ياسجين المعاناة والله كبير ..وخطير..ياولد ترى شعرك مخمس وهذا الشعر مايقوله إلا إعيال شيوخ..وناس(ن) راعية إقهوة وهيل..وبساطهم دوم للضيف ممدود..وزادهم مولم والفرش مزهب ومعطر..وهرجهم يوافق العقل والدين..والله إكبرت بعيني يابعد عين شمر...-------وأنا أبا أطلبك يا أبو رايد ويانيو ستار وياكل المشرفين تكفون تكفون تحطون سجين المعاناة مشرف كبير على أي منتدى يباه فديته أنا ترانا ننخاكم ونبي الفزعة بالحال..قولوا أبشروا وتم..
يااااااااااابعد راااااااااسي يالوميض الازرق

والله والنعم فيك ياولد عمي

كفو ياولد شمر عزالله هذا طبع شمر بالطيب من يوم خلقت الدنيا ونتم راعين الاولة

والله ماني عارف وش اقولك الله يرحم والديك ابدعي لوالديك مادام ماعندك اغلى منهم

الله لايهينك يالغالي وياجعل عمرك طويل وهذي حبة على خشمك وتراك بكلامك الحلو

احرجتني والله ماني عارف وش اكتبلك

الله يرحم والديك
 
الوميض الازرق

الوميض الازرق

مهندس التصميم و الجرافيكس
التسجيل
3/6/04
المشاركات
7,494
الإعجابات
6,999
العمر
64
#6
يابعد حيي الله يرحمك ويرحمني ويرحم والدينا ووالدين..وعاد دام إنت شاعر وترى طبع الشاعر مهما تعدى بالشعر لاشك يبقى أصيل..وبهديك أجمل بيتين نبط سمعت بعمري وهن لشاعر من سكاكا الجوف السعودية
وكانت تخبر أيام فقر وكد وشقى الله لايبتليك..وعاد هالشاعر مثل كل هلا الجوف (سكاكا) يسافرون فلسطين
وسورية وخاصة منطقة دير الزور لأن غالبيتهم من بني خالد ومنطقة ___حوران ___(درعا) وهناك شعر سعودي
نبط قديم ثمين ثمين بالحيل يقول:وهو للحوطي بالوالد المرحوم الملك عبد العزيز طيب الله ثراه عندما دخل الرياض سنة 1920 ميلادية
طير حوران شاقني مضاريبه!!!

داري ياللي سعدها تو ما جاها (((طير حوران شاقتني مضاريبه )))
صيدته يوم صف الريش ما أخطاها يوم شرّف على عالي مراقيبه
جا الحباري عقاب نثّر دماها في الثنادي على الهامة مضاريبه
عشقة للسعود من الله أنشاها حرّمت غيرهم تقول ماليبه
عقب ماهي عجوز جدّد صباها زينها اللي مضى قامت تماريبه
ذبح عجلان فيها ما تعداها ما حلا عند باب القصر تسحيبه

-------وبعضهم قال لا لا القصيدة كذا:
دار ياللي سعدهـا تـو ماجاهـا
عقب ماهي ذليلـة جالهـا هيبـه
جو هل الدين والتوحيد وحماهـا
واذهب هل الباطـل واصاحيبـه
قام عبدالعزيـز وشـاد مبناهـا
شيخنا اللي بحكم الشرع يمشي به
يوم حنت وونت سمـع شكواهـا
وصلها قبـل تاصلهـا مناديبـه
عقب ماهي عجوز جدد صباهـا
زينها للعـرب قامـت تماريبـه
عشقة للسعـود مـن الله انشاهـا
حرمت غيرهم تقول مالـي بـه
جاء الحبارى عقاب نثـر دماهـا
يوم شرف على عالـي مراقيبـه
صيدته يوم صف الريش ماخطاها
في الثنادي وفي الهامـة مخاليبـه
ذبح عجـلان فيهـا مـا تعداهـا
ماحلا عند باب القصر تسحيبـه
يوم شفته بعيني طـاب ممساهـا
طير حوران شاقتنـي مضاريبـه

------ وهناك قصيدة ما أدري وش سالفتها ولاعلم عنها وعن أللي سنعها سلمت يمينه وطاب قبره:


يذرف عليك الدمع ياطير حوران ** نسل الحرار اللي عليه اعتمـادي

كنت الكريم اللي مع الكل أنسـان ** الصادق الكرات يوم صدم المعادي

تبكي صقور الجو من فقد شيهـان ** طير الهداد الصدق يوم المنـادي

---------
فكما قلت كان ذاك الشاعر الجوفي مثل كل الجماعة بالشمال السعودي يروحون
فلسطين وسورية والاردن للعمل
فقر ومافي أمان وعصابات قطاعين طرق وغزو ..وهو الشاعر بالطريق متجه صوب سورية
لحوران(درعا) كانت الليلة قمرا وتذكر زوجته وإعياله وصار يناظر بالقمر
فبكى وجثى على الأرض من شدة الالم على فراق الاهل والجماعة الله لايعيد ذيك الايام على السعودية
فاعتلى شاعرنا طعس من الطعوس اللي بالطريق وقال هالبيتين اللي عمري ماسمعت بيتين اقوى منهم

ياقمر يللي مشدك فوق ***** يللي تشوف(ي)بعيدينك
هنوك يللي تشوف الشوق *** ياريت(ي)عيني بدل عينك

---------
وترى منتظرين بو رايد وماهقيت هالسنع بعد هالبيات الرهيبة يفشلنا ويكسر بخاطرنا ويردنا خايبين
-------
يا أبو سارة لايكون قاعد يسنع قصيدة أقوى !!!
والله تروح بشربة موية
-------------هعهعهعهع

---------
 

يسعد صباحك

عضوية الشرف
التسجيل
29/7/05
المشاركات
21,626
الإعجابات
4,016
#7
وه وه وه يابوساره وش هذا كله :wow:

اعذرني والله يابعد حيي والله توي شفتها الله لايضرك .

والله ياخوك ...يعجز التعبير وتعجز الأبيات وتعجز الحروف
إنها توفيك .. بس يابوساره وش عرفك ان عندي دفرنسين :5998::wow:

يارجال انت ورطتنا الحين نبي نردها لك وان شاء الله اننا عليها لمن القادرين ...

بس يبيلي امخمخ لك واتكي لها مضبوط .. هيك بسرعه ماتجي الله يحفظك

الف شكر ياعزيزي على هالإطراء والله يعافيك ويبارك فيك ويسلم قلبك

ترقب هديتك بس من دون مارح أحدد لك يوم معين :1016:

وفقك الله ورعاك
 
الوميض الازرق

الوميض الازرق

مهندس التصميم و الجرافيكس
التسجيل
3/6/04
المشاركات
7,494
الإعجابات
6,999
العمر
64
#8
مبروك مبروك يا أبو سارة ألأف ألف مبروك........
 

(حربي والعز دربي)

عضوية الشرف
التسجيل
4/6/08
المشاركات
3,476
الإعجابات
1,671
الإقامة
السعودية - الشرقية
#9
وه وه وه يابوساره وش هذا كله :wow:

اعذرني والله يابعد حيي والله توي شفتها الله لايضرك .

والله ياخوك ...يعجز التعبير وتعجز الأبيات وتعجز الحروف
إنها توفيك .. بس يابوساره وش عرفك ان عندي دفرنسين :5998::wow:

يارجال انت ورطتنا الحين نبي نردها لك وان شاء الله اننا عليها لمن القادرين ...

بس يبيلي امخمخ لك واتكي لها مضبوط .. هيك بسرعه ماتجي الله يحفظك

الف شكر ياعزيزي على هالإطراء والله يعافيك ويبارك فيك ويسلم قلبك

ترقب هديتك بس من دون مارح أحدد لك يوم معين :1016:

وفقك الله ورعاك

مرآآآآآآآآحب يآآآآآآآآهلا ومسهلا يابورايد

كلك خير وبركة وانت تستاهل اكثر يالغالي بس والله ان منتداكم يعني ماشاء الله معجبني

وانتم ناس دكاترة وناس عقول وتوزنون الامور وتعرفون الصح من الخطأ

وانا والله لي عدة تجارب على مدار 6 سنوات مع كل المنتديات العربية والاجنبية والحقيقة

مثل منتداكم هذا مامر علية والله

الصدق والطيب والنخوة والزينات كلهن مجتمعتن فيكم ياخوك

حياك الله وجزاك الله خير والله يرحم والديك وماقصرة

الف شكر
 

(حربي والعز دربي)

عضوية الشرف
التسجيل
4/6/08
المشاركات
3,476
الإعجابات
1,671
الإقامة
السعودية - الشرقية
#10
مبروك مبروك يا أبو سارة ألأف ألف مبروك........
ياااهلاااا بك اخوي الوميض

لاهنت ولاهان راس(ن) جابك

والحقيقة امتعتني بكلامك الطيب

لكنك ماعلمتني منهو راعي القصيدة الي اوردتها بالاخير (ياقمر ياللي مشدك فوق)

اشوف الاستاذ الكاتب سليم بن دهيم دايم يوردها بكتبة ويحب هالابيات بالحيل

وانا والله في ابيات ماراح تطلع من مخيلتي ابد امثال هذه الابيات:

البارح الدنيـا علـيـه فضـاهـا
أضيق من الإبرة على ناظم السلـك
أسباب نفسٍ غيضها مـن رضاهـا
أهبي يا نفس الخطأ ويش مزعلـك


وايضا هذه ابيات لايعرف صاحبها الا اثنين: انا وواحد من الجماعه والثالث توفى

وهو ابوي رحمة الله علية ويقول شاعرها:

هرج ابوعزيز وكاد...كلمتين بحرف خط

حاطو علينا التحواط...حطو بالحماد نقط

اليا وصل الما الأباط...أحذر ترى شيلك غط

لاتغلط بالاغلاط...يوخذ حقك تم تسط

عاثونا زيت ونفاط...كفر(ن) بالحيلات سلط

كل حديد له خراط...والحمايل لها سقط

ولاقصيدة ناقصة كم بيت مايحضروني الان

ياااااااهلاااااا فيك ومنور الصرح والطرح كله يالوميض
 

طالب معرفة

عضو فعال
التسجيل
2/5/04
المشاركات
109
الإعجابات
0
#11
قصص وابيات جميلة
 
الحالة
موضوع مغلق

أعلى