الحالة
موضوع مغلق

الذكريات القادمة

عضو جديد
التسجيل
30/8/09
المشاركات
1
الإعجابات
0
#1


أولاً شكرا على القسم المتميز واللى شوفته بالصدفة أثناء تصفحى للبحث عن مواقف التجنيد لأنها محيرانى جدا وهتعرفوا ليه لما تشوفوا حالتى

أولاً انا طالب جامعى عندى 23 سنة فى كلية تربية نوعية

والدى متوفى ولكنه كان متزوج وليا اخوات من الأب اكبر منى

ووالدتى معدية 60 سنة

ليا أخ اصغر منى بتلات سنين ولكنه دراسياً فى نفس السنة اللى بدرس فيها لأنى اتأخرت فى الدراسة بتاعتى تلات سنين فدلوقتى انا واخويا قد بعض ف الدراسة وهنخلص سوا
بس هو فى كلية تجارة

وكلية تجارة بتقدم قبل كلية تربية نوعية وسمعت انهم بيسمعوا سلاحهم قبل ما كليتى بتقدم أصلا

أنا كنت حاطط أمل انى ممكن أخد إعفاء نهائى أو مؤقت لأنى المفروض عائل الأسرة بس حاليا أخويا هيخلص فى نفس السنة بتاعتى وهيقدم ورق جيشه قبلى كمان ومش عارف إذا كان هياخد تأجيل ولا هيلبس فى الجيش الله اعلم

ودلوقتى المشكلة انى مش عارف هل أنا ممكن أخد إعفاء أو تأجيل ولا لأ خصوصا إن لو اخويا خد تأجيل أعتقد انى لابس لابس .. على ما اسمع مينفعش اتنين اخوات يدخلوا الجيش فى نفس السنة خصوصا لو فيه حد يعولوه زى والدتى كدة

فانا دلوقتى موقفى ازاى ؟؟ هل ممكن اخد تأجيل أو اعفا ولا دى متوقفة على موقف اخويا من التجنيد
ولو كان ينفع اعمل قيد عائلى واخد بيه إعفاء مؤقت واخويا يلبس الجيش مكانى
لما يخرج هل أنا لابس لابس إجبارى نظراً لزوال السبب ولا هتعامل زى اى واحد خد تأجيل عادى وبيروح يجدد شهادة التأجيل لحد ما ياخد إعفاء

وياريت تدونى نصيحة أعملها عشان اتفادى الوقوع فى أى غلط او تفويت فرصة إنى اخرح من الجيش لأن انا على ما ابتدى اقدم وعلى ما اخرج من الجيش هيكون سنى كبر وانا محتاج ابتدى حياتى بسرعة والجيش هيبقى مشكلة كبيرة بالنسبالى

أرجوكم أفيدونى عشان انا فعلا مش فاهم اى حاجة ومش عارف اعمل ايه وكل ما اسأل حد يقولى كلام مختلف عن غيره

وشكراً
وكل سنة والأمة الإسلامية كلها بخير
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#2
عليكم السلام ورحمة الله
أخى الكريم
يحق لك التقدم بطلب الاعفاء من آداء الخدمة
لكونك العائل الوحيد لوالدته الأرملة
وذلك بصرف النظر عن موقف أخوك الحالى ...
طبقا لنص المادة 7 فقرة ثانية من قانون الخدمة العسكرية


مادة 7
أولا : يعفي من الخدمة العسكرية والوطنية نهائيا :
(أ) من لا تتوافر فيهم اللياقة الطبية لذلك الخدمة 0
(ب) الابن الوحيد للأب المتوفى ،أو غير القادر نهائياَ علي الكسب 0
(ج) اكبر المستحقين للتجنيد من اخوة أو أبناء المواطن الذي يستشهد او يصاب بإصابة تعجزه عن الكسب نهائياَ بسبب العمليات الحربية 0
(د) اكبر المستحقين للتجنيد من اخوة او أبناء الضابط أو المجند أو المتطوع الذي توفي بسبب الخدمة أو أصيب بمرض او عاهة بسبب الخدمة وكان من شأنها ان تجعله عاجزا نهائيا عن الكسب 0

ثانيا : يعفي من الخدمة العسكرية والوطنية مؤقتاَ :
(أ) الابن الوحيد لأبيه الحي 0
(ب) العائل الوحيد لأبيه غير القادر علي الكسب وكذلك عائل أخيه أو اخوته غير القادرين علي الكسب 0
(ج) العائل الوحيد لأمه إذا كانت أرمله أو إذا كانت مطلقة طلاقاً بائناً أو كان زوجها غير قادر علي الكسب .
(د) العائل الوحيد لأخته أو أخواته غير المتزوجات.
(هـ) أكبر المستحقين للتجنيد من أخوة أو أبناء الضابط أو المجند أو المتطوع أو المواطن الذي فقد بسبب العمليات الحربية ، ويزول هذا الإعفاء بمجرد عودته أو ثبوت وجوده علي قيد الحياة ويعامل الغائب في العمليات الحربية معاملة المفقود إلي أن يتضح موقفه .

وفي جميع حالات الإعفاء المؤقت يزول الإعفاء بزوال سببه ويجب علي كل من زال سبب الإعفاء أن يقدم نفسه إلي منطقة التجنيد والتعبئة المختصة خلال ثلاثين يوماً من تاريخ زوال السبب لمعاملته تجنيدياً بما يستحق .

ثالثاً: إذا جند أحد الأخوين أو الأخوة او أستدعي للخدمة في الاحتياط طبقاً
للمادة 33 يعفي مؤقتاً من الخدمة الإلزامية العاملة الأخ الآخر أو اكبر الأخوة الباقين بعد استبعاد غير القادرين منهم علي الكسب .
ويشترط ألا يكون بين الأخوة أي متخلف عن التجنيد أو جاوز الثلاثين ، أو أخ معفي من التجنيد .
ويزول الإعفاء بانتهاء خدمة المجند الإلزامية أو فترة استدعاؤه للخدمة في الاحتياط أو عند قراره أو بزوال عدم القدرة علي الكسب .
وعلي كل من زال عنه سبب الإعفاء تقديم نفسه إلي منطقة التجنيد والتعبئة المختصة خلال ثلاثين يوماً من تاريخ زوال السبب لمعاملته تجنيدياً بما يستحق

رابعاً : يحدد وزير الدفاع بقرار منه شروط اللياقة الطبية للخدمة العسكرية وشروط عدم القدرة علي الكسب النهائية والمؤقتة.


وبالتوفيق يا غالى
 
الحالة
موضوع مغلق

أعلى