الحالة
موضوع مغلق

wmgc

عضو مشارك
التسجيل
20/7/09
المشاركات
67
الإعجابات
1
#1


انا والدى متوفى و والدتى متوفيه قريب الله يرحمهم و تركوا لنا شقة ايجار وعقد الايجار مكتوب باسم والدى ووصل الايجار بيطلع باسم ورثة المرحوم والدى وانا لى اخوتين متجوزين وعايشين فى شقق تمليك خاصة بيهم وانا غير متجوز علمت انى ممكن عقد الايجار يمتد لى واتجوز فى الشقة السؤال هنا ان صاحب العماره عارض علينا شراء الشقة تمليك وانا قررت اشتريها باسمى بس اخواتى المتزوجين معارضين فى الموضوع ده عاوزين يدخلوا معاى فيها وفى نفس الوقت صاحب العقار عاوز منى انهم يكتبوا تنازل عن الشقة علشان يحمى نفسه واقدر اشتريها باسمى طبعا هما مش هيوافقوا فايه المخرج من الموضوع ده فانا عاوز الشقة تبقى حق خالص لى فقط للمستقبل ..
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#2
عليكم السلام ورحمة الله
أخى الكريم
لنكن واقعيين بعض الشىء
الشقة سيمتد عقد الايجار لك وحدك
باعتبارك المقيم فيها اقامة دائمة ومستمرة
أثناء حياة والدك وبعد وفاته ..
لذا فأنت الوحيد الذى سيستفيد من امتداد عقد
الايجار . لذا فلن يمنعك أحد من الزواج فيها ..

ولا انصحك بشرائها لأنها ستجلب لك العديد
من المشاكل من جانب أخواتك ....
وان استطعت شراء شقة جديدة لك يكون افضل .
ولن يكون لأختيك أى مظنة فى مشاركتك فيها .
 

wmgc

عضو مشارك
التسجيل
20/7/09
المشاركات
67
الإعجابات
1
#3
اولا الف شكر اخى الكريم الاستاذ جمال على ردك جزاءاك الله كل خير

ثانيا كلام حضرتك مقنع جدا بس الفكره كلها ان الشقة فى منطقة راقية جدا وصاحب العمارة عارضها بمبلغ زهيد جدا اقل بكثير من سعرها الفعلى فتعتبر فرصة فهى فى الاصل ايجار قديم فالسؤال اللى محيرنى ان صاحب العماره هل من حقه ان يطالبنى بموضوع التنازل ده عن الشقة من اخواتى المتزوجين

معلش هتعبك معايا فى سؤال اخر بفرض انى اخدت شقة بره وتجوزت فيها فصاحب العماره ساعتها ممكن يرفع عليها قضية وياخذ الشقة الايجار السابقة ده بتاعت والدى باعتبارى انى مش هسكن فيها بس مش هجرها يعنى هروح واجى عليها وهل من حقى ان اطلب منه تغير عقد الايجار باسمى بنفس القيمه الايجاريه السابقة ... وانا اسف جدا جدا لازعاج حضرتك
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#4
اذا كان يريد البيع فليس من حقه أن
يأخذ تنازل من اخواتك ..... بل من الممكن
أن يكتفى مثلا بتوقيع أخواتك على العقد كشهود .

ولكن باختصار اذا اشتريت هذه الشقة وحدك
فسينظر لك أخواتك أبدا على أنك استأثرت بها
وحدك بدون وجه حق وأنهم شركاء لك فى هذه الشقة
وأن من حقهم الاقامة فيها كما هو من حقك . والكثير ..
لهذا كانت نصيحتى لك ........

أما انك اذا اشتريت لك شقة . فليس من حق المالك رفع
دعوى عليك لطردك من الأخرى . لأنك لك امتداد قانونى
لعقد الايجار وكذلك لوجود اخواتك معك أيضا ...
ولا داعى لأن يعرف أحد عنوان الشقة الأخرى ....

وبالتوفيق
 

wmgc

عضو مشارك
التسجيل
20/7/09
المشاركات
67
الإعجابات
1
#5
الف شكر سيادة المستشار جمال على ردك على مره اخرى جزاءاك الله كل خير وان شاء الله اعمل بنصيحتك بس فى سؤال محيرنى كدا الا وهو :
انا اعرف ان عقد الايجار بيمتد مرة واحدة فقط فبعد وفاة والدى اصبحت انا ووالدتى عايشين مع بعض وكان الايصال بيطلع باسم ورثة المرحوم والدى ثم توفت والدتى بعد ذلك واصبحت انا اعيش لوحدى الان فى الشقة ومازال صاحب العمارة بيطلع وصل الايجار باسم ورثة المرحوم والدى كالعادة فهل يحق لى كدا امتدا عقد الايجار ام لا وان كان يحق هل من الممكن اطلب من المالك تغير عقد الايجار باسمى بنفس الشروط الايجاريه اللى فى العقد القديم ؟؟
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
505
#6
لك الحق فى امتداد عفد الايجار
ولكن ليس لك الحق فى المطالبة بعقد جديد ..
 
الحالة
موضوع مغلق

أعلى