الحالة
موضوع مغلق

hOpa

عضو جديد
#1
اعضاء و مشرفي المنتدي
بعد ما تابعت كل المواضيع اللى هنا تقريبا و اللى بتتكلم عن تصميم نسخة خاصة بمقاييس و مواصفات معينة
و وصلت لانى شلت الزوائد و اللغات و و عملت كل المكتوب في الموضوع للزميل "احمد" و وصلت لاخر برنامج ان لايت
و دلوقتي وقت التعديل بالبرنامج التانى اللى هو Windows Unattended CD Creator
و وصلت للمرحلة اللى المفروض فيها اضيف التعريفات و البرامج علشان النسخة تنزل متعرفة جاهز علي الجهاز و متسطب البرامج اللى انا دايما باشتغل بيها
مش عارف اعمل اضافة للتعريفات ازاى
اخدت نسخة من السي دي المرفق مع المازربورد و حاولت اعمل ادد لكن ما كانش بيتقبل كل مرة
ف معلش سامحوني علي الاستفسارات بتاعتي و لو بدت ليكوا هايفة فهي صعبة جدا بالنسبالى
1 - عاوز اضيف برامج في النسخة بحيث تنزل النسخة و معاها البرامج بدون تدخل مني لانى مش عارف اضيف ازاى البرامج خصوصا انى اللى فهمته انها لازم تكون ذات تنصيب صامت و ده بالطبع في غاية الصعوبة بالنسبالى
2- عاوز اضيف التعريفات الخاصة بيا
3- عاوز اغير في شكل و ثيم النسخة بحيث انى لو حبيت اهادي حد من معارفي انى اعمله نسخة خاصة بيه و فيها صوره في الثيم و شاشة الدخول و تغير رسالة البدء و الغلق علي حسب
و بصراحة ده واحد من اهم الطلبات ليا في الوقت الحاضر لانى عاوز اعمل نسخة مخصصة لولاد اخويا اول ما النسخة تنزل او في وقت التسطيب يكون مكان الشاشات الاعتيادية صورهم و هكذا
ف يا ريت ما حدش يبخل عليا
4 - محتاج بقي اعرف ازاى اعمل ثيم او اضيف ثيم ازاى او اجيبه منين
خصوصا انى نفسي يكون عندي ثيم للماك علي الجهاز بس كل البرامج اللى جربتها لتغيير الثيم و تحويله لماك بتعمل مشاكل في الجهاز عندي
فهل ممكن حد يساعدني في حالة انى عرفت ازاى اغير الثيم و شاشة البوت و الكلام ده بثيم ماك متعدل اضيفه عندي بحيث يتحول الشكل التقليدي للماك ؟
آسف علي الاطالة و لكني فعلا محتاج افهم الحاجات دي
اتمني يكون في حد عنده وقت انه يساعدني و ما يبخلش
تحياتي و امنياتي للجميع بالتوفيق
 

hOpa

عضو جديد
#3
شكرا علي المتابعة و جاري تحميل الاسطوانة و يا رب تعود بفايدة
شكرا لصاحب الموضوع الاصلي
 

hOpa

عضو جديد
#4
حاليا انا ضفت التعريفات و مش مهم البرامج
عاوز اعرف اعمل ثيم ازاى لانى مش عارف و تقريبا مش فاهم حاجة من الشرح
هل ممكن الاقي ثيم ماك جاهز للويندوز و احاول بطريقة او باخري اركبه علي الويندوز بحيث ينزل بشكل الماك ؟
اتمني المساعدة
 
الحالة
موضوع مغلق

أعلى