الحالة
موضوع مغلق

rosy20

عضو جديد
#1
و رحمة الله و بركاته
أريد استشارة سريعة من الأستاذ المحامي الفاضل جمال

هذه الايام أتفاوض على إيجار شقة بنظام الايجارات القديمة اللي بالخلو و لكن انا قلقانة شوية لاني سمعت ان قانون الايجار القديم حواليه شوية مشاكل الايام دي و بيناقش في مجلس الشعب بقاله فتره
و انا الحقيقة هحط كل الفلوس الي معايا في الشقة دي فعاوزة أضمن حقوقي ف يا ريت ترشدني للتصرف السليم

الحاجة التانية اللي عاوزة اسال عليها في الموضوع ده
أنا سمعت انه لو إديت خلو بمبلغ معين لصاحب الشقة لازم أدي كمان لصاحب البيت نصف قيمة الخلو
يعني لو اديت لصاحب الشقة(المستأجر) مثلا 70 الف جنيه خلو لازم أدي لصاحب البيت 35 الف!! مع العلم ان صاحب البيت كمان شريك مع ناس تانيين ..يعني كده هدفع 105 الف جنيه في المجمل
و طبعا انا مش هقدر ادفع ده كله ده انا اتفقت مع صاحب الشقة اني هقسط المبلغ بس لسة متفقناش على المقدم

انا فكرت علشان اتغلب على النقطة دي هل ممكن نكتب في العقد أن الخلو مثلا قيمة بسيطة اوي و طبعا هي غير القيمة الحقيقية اللي هديها لصاحب الشقة ده عشان أنقذ نفسي من إني ادفع كتير لان الشقة لسة هتتوضب كمان

يا ريت بالله عليك تفيدني في الموضوع ده لاني محتارة جدا و مش عارفة اعمل ايه و ترد عليا في اسرع وقت لاني هروحله بكرة ان شاء الله

منتظرة ردك الكريم و الف شكر
 

gamal gamal

محامى ومستشار قانوني
#2
عليكم السلام ورحمة الله وبركاته
أختى الكريمة
بكل صراحة أنا لا أحبذ ولا أفضل هذه النوعية
من التعاملات على الشقق القديمة . خاصة وأنه
سيصر فى حقها قانون جديد . والله أعلم بما سيحدث
وفى كل الأحوال ستصبحين مستأجرة ايجار قديم وسيطبق
عليكى ما سيصدر من قوانين ...
المهم
الحل سهل ولسيط فى الايجار الجديد لأنه يمكنك الاتفاق على
مدة 59 سنة مثلا . وهى مدة طويلة جدا جدا - يا ترى من يعيش -
ولكن لن تدفعى أية مبالغ أخرى سوى ما تتفقين عليه من أجرة فقط .

المهم فى حالة ما ستقدمين على ايجار هذه الشقة أنصحك بالتوجه الى
محام كى يطلع على عقد ايجار البائع لكى كى تكونى على بينة من أمرك .
ولكنى لا أفضل هذا الطريق الآن لأن مخاطره كبيره ...
وبالتوفيق
 

gamal gamal

محامى ومستشار قانوني
#3
وعليكى أختى الكريمة عن طريق محاميكى
أن تراجعى بدقة سلطة المستأجر ( المؤجر لكى )
ومعرفة هل له حق الايجار من الباطن من عدمه ؟
لأنه ان كان ممنوع من الايجار من الباطن فى عقده
فلا يحق له أن يتنازل لكى عن هذه الشقة .
والا يتم طردكم أنتم الاثنين من هذه الشقة ؟!؟؟؟!
أرجوا الحذر ....
 
الحالة
موضوع مغلق

أعلى