الحالة
موضوع مغلق

basma355

عضو جديد
#1


استاذى الفاضل استاذ جمال (مستشارك القانونى) افيدنى فى هذه المشكله التى وقعت فيها ووقعت فيها امى مشكله لم نجد لها اى حل وخايفه لامى يحل بيها مكروه ارجو ان يتسع صدرك لاروى لك حكايتى لكى تفيدنى فى حل مشكلتى حكايتى وهى انى تزوجت من انسان سلبى وضعيف وللاسف لم ادرك هذا الا بعد الزواج المهم اننا بسبب سلبيته هذه لم نتفق وبدات تصارعنا المشاكل لدرجه تدخل والده واحيانا يقوم باهانتى وضربى فطلبت منه الطلاق بالود وكافه حقوقى ولكنه رفض وقال لى لو عاوزة تتطلقى اتنازلى عن كل شئ او امامك المحكمه وبالفعل بعد ما ياست من الطلاق بالود رفعت دعوة طلاق ونفقه وتبديد للقيمه وكان فيه عندنا وصل كان طليقى اخده كضمان لادوات كهرباء تخصنا ولكن والله والله اشتكيناه بيه للضغط فقط قلنا ممكن يخاف فيطلق ونخلص بدون محاكم او اى حاجه ولكن قام بتوكيل محامى له معروف انه سئ السمعه وبيلعب بالبيضه والحجر زى ما بيقولو المهم انه طعن فى الوصل بالتزوير ورجع جاب شهود زور واخدت امى حكم 3 شهور وقام المحامى تبعنا بالمعارضه ورجعت راحت لطب شرعى ولما اخدت حقوقى فى الطلاق اتصالحنا فى الجنحه بتاعتنا قدام القاضى قام محامى طليقى برفض الصلح ودلوقتى محكوم على امى ب3 شهور حكم نهائى وامى ست كبيرة فى السن ومريضه عندها السكر والضغط ودهون على الكبد وكان عندها جلطه قديمه كانت هتروح فيها لدرجه اننا دخلنا للقاضى بعد ما ياسنا فى الصلح بين طليقى وعملنا جلسات مع رجال كبراء فى البلد ولكن هو رافض الصلح وطالب بالحبس او تدفع قيمه الوصل وابوة اللى مسيطر تماما عليه وعاوز يحبس امى لدرجه انى رحت له وقلتله ابوس رجلج اتنازل امى بتوت من بين ايدينا ولكنه بلا رحمه رافض الصلح قلتله هعطيك كل اللى دفعته لى من نفقه او غيرة وووالله انا ما اخدتش منه الا 10 الاف جنيه وربنا شاهد على يمينى ولكن كل المحاولات دى وبرضه رافضين انا دلوقتى طلقت منه ولكن امى من ساعه ما الحكم بقى نهائى وهى دايما تعبانه وحضرتك عارف مريض السكر ودلوقتى المحامى تبعنا قال انه هيقدم نقد واشكال مرفقين بشهادات من المستشفى بحالتها انها محتاجه الراحه التامه والعلاج المستمر شهرى مش عارفه اذا كان ده هيجيب نتيجه ولا ايه والله امى بتموت مننا وابو طليقى كل يوم فى المركز بيقدم شكاوى من اجل ان حمله تنزل وياخدو امى وهى دلوقتى فى المستشفى ومش عارفين حتى نروح نزورها خايفين انه يعرف ويخدها مننا بالله عليك قولى اعمل ايه مش لاقيه حل لمشكلتى دى امى والله بتومت كل يوم واحنا بنات وملناش غيرها فى الدنيا بالله عليك تفيدنى وسامحنى على اطالتى فى الكلام منتظره ردكم لانى لم يبقى لى امل غير كلامك
 

gamal gamal

محامى ومستشار قانوني
#2
عليكم السلام ورحمة الله
أختى الكريمة
من نصحكم برفع هذه الجنحة بهذا الايصال القديم
أساء إليكم كثيرا جدا للأسف الشديد !!!
لذا كان هذا هو الطريق الانتقامى منكم وبنفس الطريقة !!

المهم

نحن بصدد الحديث عن حكم نهائى واجب التنفيذ
لذا فلا يوجد أمامكم قانونا إلا النقض والإشكال
فإن قبل القاضى وقف تنفيذ الحكم لحين الفصل
فى الشق المستعجل بإيقاف التنفيذ أمام محكمة
النقض . فساعتها سيقف التفيذ لفترة طويلة .
وإلا
ستكونون مضطرين إلى تغيير محل إقامتكم
وأخذ شقة جديدة لا يعلمها هذا المطلق حتى
لا يرشد رجال التنفيذ عنكم ....
وهذا هو الحل العملى الوحيد فى هذه الحالة .
شقة ايجار جديد لمدة سنتين أو خمس سنوات
لا يعلمها هذا الشخص .
وللعلم هناك حالات كثيرة سقطت فيها أحكام
نهائية بهذه الطريقة ...
وبالتوفيق
 

basma355

عضو جديد
#3
اشكرك استاذى الفاضك استاذ جمال_مستشاراك القانونى_ على ردك لمشكلتى ولكن لى سؤال اخر هل يقبل القاضى بتقرير الاطباء عن سوء حاله المريضه وممكن ياخذ بها فى عين الاعتبار؟ ويراف بحالتها او يخفف مده الحكم؟
 

basma355

عضو جديد
#4
نحن بصدد الحديث عن حكم نهائى واجب التنفيذ
لذا فلا يوجد أمامكم قانونا إلا النقض والإشكال
فإن قبل القاضى وقف تنفيذ الحكم لحين الفصل
فى الشق المستعجل بإيقاف التنفيذ أمام محكمة
النقض . فساعتها سيقف التفيذ لفترة طويلة .
الرجاء يا استاذى الفاضل ان تشرح لى هذه النقطه فانا ليس لى درايه كافيه بالقانون ولكنى محتاجه اطمن من حضرتك وشكرا على اتساع صدرك لى
 

gamal gamal

محامى ومستشار قانوني
#5
يعنى يمكنكم الطعن بالنقض فى الحكم الصادر
بالحبس فى خلال ستين يوما من تاريخ صدور
الحكم بالتأييد أمام محكمة الجنح المستأنفة .
ثم يتم الاستشكال فى الحكم ...
وساعتها يمكن وقف تنفيذ الحكم مؤقتا لفترة
طويلة ........
وهذه الاجراءات تتم عن طريق محام من طرفكم .
 

basma355

عضو جديد
#6
استاذى الفاضل

استاذى الفاضل يعنى ممكن القاضى ياخذ بالقرارات الطبيه وشهادات الاطباء المعالجه بسوء حاله امى هل ممكن ياخذها بعين الرافه ويخفف الحكم؟ افيدنى بالله عليك ولى سؤال اخر لو سمحت انا الان طلقت فهل اجراءات المؤخر ونفقه المؤخر او المتعه هل ستاتينتا بعد سنه من استناف وغيره وهل ينفع ان اشتكيه بهذا المبلغ ويقوم المحامى تبعنا بحبسه على سبيل انهم ممكن يتنازلو فى مقابل اننا نتنازل عن الحبس ايضا افيدنى بالله عليك وانصحنى اعمل ايه
 
supervisor anis

supervisor anis

الوسـام الذهبي
#7
أرى
أن تأخذى برأى أستاذنا الجمل بتغيير محل الإقامة إلى مكان بعيد غير معلوم لحين قيامكم بالطعن والإستشكال

أعانكم الله على ما أنتم فيه ونجاكم وإياى من الهم والغم والكرب العظيم
 

gamal gamal

محامى ومستشار قانوني
#8
استاذى الفاضل يعنى ممكن القاضى ياخذ بالقرارات الطبيه وشهادات الاطباء المعالجه بسوء حاله امى هل ممكن ياخذها بعين الرافه ويخفف الحكم؟ افيدنى بالله عليك ولى سؤال اخر لو سمحت انا الان طلقت فهل اجراءات المؤخر ونفقه المؤخر او المتعه هل ستاتينتا بعد سنه من استناف وغيره وهل ينفع ان اشتكيه بهذا المبلغ ويقوم المحامى تبعنا بحبسه على سبيل انهم ممكن يتنازلو فى مقابل اننا نتنازل عن الحبس ايضا افيدنى بالله عليك وانصحنى اعمل ايه
نعم يمكن للقاضى أن يوقف تنفيذ الحكم كله
لحين الفصل فى النقض . وبالطبع ستقدمى
كل ما تحت يدك من ظروف وتقارير طبية للقاضى
حتى يوقف تنفيذ الحكم .
بالنسبة للطلاق
اذا كان غيابيا فلكى المطالبة بكل حقوقك من الآن
من نفقة عدة ونفقة متعة ومؤخر وقائمة منقولات
وما إلى ذلك .......
أما تنازله عن الجنحة الأخرى ( تزوير ) فلا يملك
هو الآن التنازل عن هذه الجنحة مطلقا ....
لأن الحق الجنائى هو لا يملكه لكى يتنازل عنه .
 

basma355

عضو جديد
#9
ربنا يبارك فيك استاذى الفاضل استاذ جمال انا اطلقت من المحكمه بقالى شهرين واخدت نفقتى الشهريه والمتجمده وكمان المنقولات اخدتها بس لسه المؤخر ونفقه الطلاق والمحامى بيقولى انها هتفضل لسنه يعنى مش هخدها دلوقتى فرايكم ايه فى هذا الكلام ارجوك دلنى اعمل ايه؟ وسامحنى انى بطول عليك باسئلتى لكن انا محتاجه لنصيحتكم وافادتكم الغاليه وشكر وجزاك الله عنى الف خير
 

gamal gamal

محامى ومستشار قانوني
#10
نعم هى ستأخذ وقت
وعند الانتهاء سيكون لكى
رفع دعوى حبس أن لم يقم
بسداد ما تجمد من نفقات عليه
وبالتوفيق
 
الحالة
موضوع مغلق

أعلى