ما الجديد
الحالة
موضوع مغلق

مشكله كبيره

عضو جديد
التسجيل
25/2/09
المشاركات
3
الإعجابات
0
#1
'',



يا اخوه فيه رقم مع الاسف رقم سئ جداً وصحبه سئ كل شويه يتصل بيه وبعدين يسب ويقول اقوال سب وللاسف الرقم ده مع اختى فهدى المشكله


وحاولت كذا مره انى اهدده لكن للاسف هو اللى بيهددنى وبيقولى انه مش همه واعلى ما فى خيلى اركبه بالتعبير المصرى ويسب وصراحه انا زهقت من كده لو كان ده رقمى والله المشكله كانت اتحلت


لكن مع الاسف ده رقم اختى اعمل ايه بالله عليكم

انا اتصلت بالشركه اللى انا مشترك فيها قلى اتصل بمباحث التليفونات وادانى الرقم اتصلت بيهم ولكن كان فى الاول مشغول وبعدين رن ومحدش رد


فقلت اما ابحث شويه فى النت لقيت انهم مبيستجيبوش علطلول وحتى لو استجبوا فيها مسأله ومحاكم وحاجات كتير كده


فانا ياريت بالله عليكم تردوا عليه بسرعه عاوز اضمن واسهل حل مجرد بس انى ارجعه انا ولا عاوز تعويض ولا اى شئ ولا بحب اساساً المشاكل كل اللى عاوزه انى ارجعه عشان بس اختى متسمعش الكلب ده ياريت عشان والله منرفزنى


وللاسف مش عارف اغير الخط بسبب ان رقم مهم ومعروف ان كل اللى يعرفونا وهو فودافون


منتظر ردكم بفارغ الصبر......؟؟؟؟؟
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#2

أخى الفاضل
الحل بسيط قوى وهو ابلاغ مباحث التليفون
ببلاغ رسمى 0 كى تتم مراقبة التليفون
والقبض على هذا الشخص المزعج !!!

لا يوجد حل سواه

وبالتوفيق
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#3
وعلى فكرة
مباحث التليفون تهتم بأى بلاغ
رسمى فى هذا الشأن 0 فلا تقصر
فى الابلاغ !!!!!!!!!
 

مشكله كبيره

عضو جديد
التسجيل
25/2/09
المشاركات
3
الإعجابات
0
#4
جزاك الله خير استاذنا الكريم والله مش عارف اشكر حضرتك ازاى


ولكن كنت اود ان اسال سؤال اخير هل فى حاله القبض عليه مثلاً سضطر الى اللجوء للقضاء والمحاكم ام لا لانى كما قلت لحضرتك سابقاً انا لا اريد مشاكل فقط تأديبه لانه فعلاً وربنا اللى يعلم نرفزنى جداً والمشكله ان ده شريحه اختى


جزاك الله خير وبالتوفيق
 
khaled helal

khaled helal

عضوية الشرف
التسجيل
8/11/06
المشاركات
9,204
الإعجابات
3,214
الإقامة
alex
#5
اخى الحبيب بكل بساطة ممكن تضع برنامج حجب المكالمات وتحجب أى رقمـ تريد,,
وأكيد طبعا لازم تتبع تعليمات محامينا وأستاذنا الكبير الجمل,,
تحياتى ,,
 

مشكله كبيره

عضو جديد
التسجيل
25/2/09
المشاركات
3
الإعجابات
0
#6
ربنا يخليك مشرفنا العزيز للاسف التليفون نوعه سامسونج فللاسف البرامج اللى من النوعيه ديه مش متوفره لو حضرتك تعرف برنامج زى ده للسامسونج ياريت مجرد تكتبلى اسمه

او هل فيه طريقه فى الاعدادت للسامسونج لعمل ذلك زى النوكيا ياريت تكبتهالى واسف على تعبك معايا


وانا حعمل زى ما استاذنا الكبير قلى ححاول اعمله لكن لو لقيت الموضوع داخل فى مشاكل وحياخد وقت فلله الامر من قبل ومن بعد حتضر اغير الشريحه والامر لله

جزاكم الله خير على تعبكم مستشارنا الكبير gamal gamal ومشرفنا العزيز khaled helal على اهتمكم بمشكلتى


جزاكم الله كل خير واسف جداً على الازعاج
 

mahmoud20070

عضو فعال
التسجيل
16/2/08
المشاركات
137
الإعجابات
5
#7
بس حنصحك والله لكن كلامى ده كما تشاء تحب تاخد بيه او لا كما تشاء بس انا والله عارف حكايه المعاكسه ديه حاجه وحشه جداً لانها حصلتلى قبل كده بس معايا انا فديه مكنتش مشكله طبعاً

المشكله معاك طبعا ان ده رقم اختك اذن قدامك 3 حلول اما انك تعمل براى مستشارنا الكبير الاستاذ جمال وتبتدى تاخد الاجراءات ولكن طبعاً ديه حتاخد وقت ومن كلامك انته بتقول مش فاضى لوجع الدماغ ده

يبقى عندك الحل التانى اللى عليه اخونا خالد بالبرنامج ولكن الحل ده مشكلته ان من وصفك لهذا الشخص اللى عامل ازعاج انه ممكن يجيب تليفوت تانى او نمره تانيه ومش حتخلص وزى ما انته قولت ده تليفون اختك فليه حرمته طبعاً


يبقى مقدماكش صدقنى غير الحل التالت اللى انته قلته هو انك تغير النمره وامرك لله ده اسهل واحسن حل بعيداً عن المشاكل


وزى مقلت لحضرتك ديه وجهه نظرى يعنى مجرد اقتراح فكما تشاء تحب تعمل بيه او لا الامر يرجعلك


ولو لاقدر الله لاقدر الله غيرت الخط وحصلت نفس المشكله يبقى ساعتها بلغ بقه ومتسكتش لان كده فعلاً مشكله بس معلش فيه ناس كتير بيغيروا نمره تليفونتهم العاديه المنزليه يعنى عشان خاطر كده مع ان بأمكنهم يرموا المسؤليه اللى بيعمل كده لكن هما مبيحبوش يأذوا حد


فذى مقلتلك والاختيار لك غير النمره لكن لو حصل مشكله تانى لاقدر الله وقتها بقها متسكتش عشان تعلمهم الادب


ولعلم انا لسه والله قارى حاجه امبارح ان مباحث التليفون شيفها شغلها كويس وبقى فيها قوانين صارمه على اللى بيعاكسوا بسبب كثره البلغات الكاذبه لارقا مهمه زى الاسعاف والمطافى وهكذا

فمتخفش لو حصلت تانى المشكله لاقدر الله ربنا مش حيسبوه


واانا والله فى كليه حقوق لكن مفهمش حاجه فى القانون فكلامى مش حل نهائى

ربنا يوفقك ويفقك استاذتنا استاذ جمال واستاذ خالد
 

أجراس الحنين

عضو مشارك
التسجيل
2/9/08
المشاركات
56
الإعجابات
10
#8
الحل سهل

أختك تطنش أي رقم ما تعرفه ولا ترد عليه

ومصيره يزهق ويحل عن سماكم

لكن الأخذ والعطا معاه يشجعه ويخليه يتمادى
 

ahmdatef

عضوية الشرف
التسجيل
23/7/05
المشاركات
11,059
الإعجابات
1,137
العمر
44
الإقامة
مصر
#9
أخى الحبيب كما قال لك إخواننا و أنا أفضل أن لا ترد على أى رقم لا تعرفه أو أمرك لله اشتر خط جديد و قم بإرسال رسائل لكل من تعرفهم برقمك الجديد
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#10
كل الشكر لا خوانى الكرام
الذين شرفونا بالرد والاهتمام
فجزاكم الله خير الجزاء 000

وأخيرا أخى الكريم
بعد كل هذه الأراء
أقترح عليك أن تأخذ تليفون أختك
لمدة أسبوع 0 وتقوم أنت بالرد على
أساس أنك صاحب الخط الجديد !!!!
لعله يمل ويدعكم فى شأنكم 00000
أو ان كان معك عدة تليفون حديثة احجب
هذا الرقم ( دائما يعطيه مشغول ) 000
أو
سجل مكالمته على تليفون حديث - ان لم يكن معك -
استعره من أحد أصدقائك 0 وسمعها له ان اتصل بك
وأخبره أنكم اتصلتم بمباحث التليفون !!!!!!!

قام أحد اصدقائنا بتسجيل مكالمة معاكس على تليفون
أرضى 0 عن طريق جهاز الكمبيوتر وبرنامج فنتا فاكس0
وعندما اتصل ثانية :- قال له بكل أدب من فضلك استمع
الى هذه المكالمة !!! وسمعه مكالمته المسجله !!!
ومن يومها لم يسمع له صوت !!!
وبالتوفيق
 

ahmedaol99

عضـو
التسجيل
5/7/10
المشاركات
4
الإعجابات
0
#11
رقم يرسل لى رسائل قذرة جدا

انا فى واحد بيبعتلى 50 رساله فى الساعة شائم قذرة جدا ب أهلى جميعهم نفسى اعرف اجيبه ازاى انا معايا خطين فودافون و هو مستلمنى على الخطين لو انا اشكيت فى مباحث التليفونات هل هايجيبوا اللى بيعاكسنى ده فى اسرع وق ولا هناخد وقت كبير فى حاجة زى دى ؟؟و عقوبته ايه بالظبط انا الحقيقة فى الاول رديت عليه برسالتين شتيمة بس هو بعد كده ارسل رزمة رسائل حقيرة
 
ma7m0ud

ma7m0ud

الوسـام الماسـي
التسجيل
9/4/09
المشاركات
3,237
الإعجابات
591
الإقامة
أرض الله الواسعة
#12
اخى الكريم تغيير الرقم بالنسبه لبنت مش مشكله واشترى دماغك دا اقصر واسرع وافضل حل تقبل مرورى
 

ahmedaol99

عضـو
التسجيل
5/7/10
المشاركات
4
الإعجابات
0
#13
رد: حد ينصحنى ايه الاجراءات لرقم بيزعجنى مشكله كبيره

المشكلة ان هو كان بيبع من رقم تانى على رقم قديم عندى و بعد كده انا غيرت الرقم دلوقتى انا معايا "رقم جديد + رقم اخر" الخطين فودافون و مش عارف اعمل ايه اتصلت بمباحث التليفونات عطونى رقم تانى و مفيش حد بيرد انا بجد الرسائل قذرة جدا لدرجة ان اعصابى بدأت تهرب منى للموجود بمحتوى الرسائل ارجو لو فى حد يقدر يساعدنى يقولى اعمل ايه لان بجد ياجدعان الرسائل و الله قذرة جدا و محتواها اقذر ما يمكن :confused:
 

ahmedaol99

عضـو
التسجيل
5/7/10
المشاركات
4
الإعجابات
0
#14
رد: رقم يزعجنى بشدة

انا غيرت الرقم و معايا رقمين حاليا بيرسل على الخطين دلوقتى كل يوم تقريبا 25 رسالة انا مش عارف احل الموضوع ده ازاى اتصلت النهارده بمباحث التليفونات اعطونى رقم اخر مبيردش حد يساعدنى اجدعان انا متوتر بجد من محتوى الرسائل
 

علي فايد

عضو مشارك
التسجيل
3/9/10
المشاركات
54
الإعجابات
0
#15
رد: حد ينصحنى ايه الاجراءات لرقم بيزعجنى مشكله كبيره

اخي الكريم كل عام وانت بخير ممكن تشتري الخط اللي مع اختك بحيث ترح لشركة فودافون وهي معاك وتتنازل عن الخط ده ليك وتعمل اللي انت عاوزة مع اللي بيعاكس طالما ان التليفون اصبح باسمك...
ولكم تحياتي جميعا
 
الحالة
موضوع مغلق

أعلى