الحالة
موضوع مغلق

abu_mada

عضوية الإمتياز
#1
'',
و رحمة الله و بركاته
قصة جميله ومصورة بالتسلسل أعجبتني بل أضحكتني
فحبيت وضعها هنا للأستمتاع

===
===
===




..

هذه قصة مصورة \.. ..


كان ياما كان في قديم الزمان
يعني يوم الخميس 29/11/1429 هـ
كان فيه واحد جاي من وادي الدواسر
وده يتفرج على السيول في صبخة القصب
اللي تجيك قبل القصب على اليسار وانت جاي من الرياض



المهم الرجال وقف سيارته على طرف البحيره ونزل يتمشى


مادرى الا الماء وصل موتره
حاول يطلع لكن ما امداه

موتره = سيارته


كفراته صارت تدور في الطين

المهم ترك موتره يمرح يوم جا الصبح ويفزع له راعي حراثه
حاول يسحب الجيب لكن صارت هذي النتيجه


ومن جهة أخرى


تلاحظون الزمزميه ؟؟

شكلهم وسعوا الصدر عند الحراثه

الزمزميه= حافظة الشاي

مسيكينه هالحراثه
راحت فيها



هالحين الحراثه تقول
طلعوووووني وش لقفني اجي فيذا

فيذا= هنا


المهم أشّروا لراعي سقس على الخط وجا يبي يسحب الحراثه
وكانت هذي النتيجه


أشّروا لراعي سقس =استنجدوا بصاحب تانكر


وهذي صورة ثانيه ولاحظ قرب خط الزفلت
وعرفوا ان الموضوع يبي يطول والدليل ترمس المويه!!



قالو مابدهاش لازم نجيب دركتل
لكن شوفوا وش صار


من شفت الطاسه اللي حاطها ورى واناغاسل يدي

واناغاسل يدي= وانا فاقد الامل

قامت الحراثه تضحك
قالت (قيت لك ياعبدالمعين عوزك تعيني لئيتك ياعبد المعين عاوز تتعان)


المهم قالو الحل الأخير هو الاتصال بالدفاع المدني وقامو وزينوا الشاهي بعد ما خلص الشاهي اللي في الزمزميه

وقعدو يتقهوون بالبريق اللي قدامكم

وفعلا جا الوايت علشان يسحب هاللي غاطسين

وشوفواوش صار



وتركو الجيب والحراثه والسقس والدركتل

وحاولوا يطلعون الوايت



شكل السواق توهق وانواع الجزاءات بتطبق عليه

وحاولوا كثيراً بدون فايده

يوم انهم عجزو قالوا ما يفل الحديد الا الحديد

جيبوا ابو جنزير

ويجيك يتمخطر ويضحك على هاللي غاطسين



لكن جاه ماجا ربعه

تعلق اخينا في الله وقال هذا مكاني



وجابوا عمال البلدية يحفرون له وحطو له خشب يبونه يطلع لكن ما فاد



وبعد مااستفادو من الدرس اللي تكرر عليهم في الجيب والحراثه والسقس والدركتل والوايت وابوجنزير

قررو يسحبونها من بعيد

ربطوا عدة وايرات في بعض وطلعو ابو جنزير ويقواون ان الدركتل اللي سحبه على الزفلت

هههههههه الصبخة ما يلعب معها على الزفلت وعساك تسلم


ثم سحبو الدركتل


والحمد لله على السلامه

هذي صورة للموقع من بعيد



يستفاد من الموضوع

1- لاتهايط اذا شفت السيل

لاتهايط=لاتكابر

2- حاول تستفيد من اللي توهقوا قبلك

3- مهوب كل من اتصل بالدفاع المدني يبي يطلع

مهوب= ليس

=
====
==

حاولت تفسير بعض المفردات لمن يصعب عليهم
 

khaled helal

khaled helal

عضوية الشرف
#2
جميلة جدا بومدى,,,والأجمل توضيحكـ
 

راهب الديار

عضو ماسـي
#3
بارك الله فيك أبو مدى
قصه جميله ومفيده ومعبره
ألف شكر على الصور والقصه الجميله
 

New star

Administrator
طاقم الإدارة
#4


هذه مو قصة هذه فلم ... بطلها بو جنزير ... ...
 

ABU.AMR

عضوية الشرف
#5
هههههههههههه واللة قسة تسلسلية جميلة لاكن باقى العربيات طلعت ولا لسة
 

Hell-Software

عضو محترف
#6
نعم بو مدى انها قصة مضحكة ورائعة جدا
 

عبيد المهاجر

الوسـام الذهبي
#7
هذه مجزرو بالنسبة للسيارات

والله حلوة منك يا أبو مدى

الكل مغرز
 
supervisor anis

supervisor anis

الوسـام الذهبي
#8
صح : لاتهايط اذا شفت السيلشكرا أخى الكرم( بو ندى )على ترجمتك الفورية التى هى أكثر طرافة من هذه القصة
 

abu_mada

عضوية الإمتياز
#9
هلا فيكم جميعا اخواني الكرام

شاكر ومقدر مداخلاتكم
 

That's Me

الوسـام الماسـي
#10
توبة تروح هناك تاني
صح؟؟
مشكور اخي ابو مدي علي موضوعك الطريف
ويارب ما يحصل تاني
 

abcman

عضوية الشرف
#11
بصراحة لولا ترجمتك ما كنت فهمت كلامها خالص
ولكن الصورة أبلغ بيان للوضع

شكرا اخونا الكريم

 

علي نادر

عضو ماسـي
#12
هههههههههههه
قصة رائعة أخي بو مدى. تحياتي
 
hatem20

hatem20

عضوية الشرف
#13
يعطيك العافية أبو عبدالله ,,, شكرآ عـ القصة الممتعة :)
 
الحالة
موضوع مغلق

أعلى