ما الجديد
الحالة
موضوع مغلق

ahmed_rose

عضو جديد
التسجيل
8/10/08
المشاركات
16
الإعجابات
0
#1
أنا كنت واخد تأجيل ب5 سنين أو لحين زوال السبب (أييهما أقرب) كوني العائل الوحيد لأخويا
الطالب بكلية الصيدلة..أنا عملت التأجيل ده من سنة 2005...
أخويا خلص كليته هذة السنة و هيقدم نفسه للتجنيد في 15-10 ...يعني الشهر ده...
1-ما هو موقفي من التجنيد الآن....... علما بأن سني 26 سنة
2-وهل لو قدمت نفسي للتجنيد بعد ما أخويا يخلص تجنيده أو يأخد إعفاء هتعامل معاملة عادية..بمعنى هتعامل معاملة دفعتي من 3 سنوات ولا هتعامل بنفس معاملة دفعتي في السنة إلي هقدم فيها
3-قول لي أعمل إيه و إيه الصح إلي ممكن أعمله ....علما بأني متزوج و أعمل و حياتي مستقرة.
للعلم أمي على المعاش ...

ساعدوني.... حاسس إن حياتي إتلخبطت و مش بيجيلي نوم .....ساعدوني
4-لو إستهبلت وكبرت دماغي طيب لحد سن كام و هل ده صح ولا غلط و إي نوع العقوبة..

أخوكم أحمد
 

ddsf

عضو مميز
التسجيل
4/7/08
المشاركات
322
الإعجابات
2
#2
كان الله فى عونك حالتى تشبه حالتك فى موضوع اخر هنا بس انا لو اخويا كان دخل ضابط كنت انا هعدى التلاتين لكن فى حالتك لو اخوك حتى لو دخل ضابط فسنك هيكون لسه 29

وانت لو قدمت نفسك للجيش هييتم معاملتك مع الدفعه الى هتقدم معاها مش دفعتك القديمة
 

ahmed_rose

عضو جديد
التسجيل
8/10/08
المشاركات
16
الإعجابات
0
#3
شكرا...يا أخي ....بس بجد أنا محبط قوي وتعبان قوي قوي

شكرا يا dff
بس متهيألي في أمل ...أصل أنا مواليد 82 ....هل ممكن يأخدوا مواليد قديمة قوي كده في حين إن المفروض إلي مقدم تقريبا من مواليد 88 أو 87....
قولي يعني ممكن يكون في أمل​
 

ahmed_rose

عضو جديد
التسجيل
8/10/08
المشاركات
16
الإعجابات
0
#4
حد عنده فكره طيب أقدم دلوقتي ولا أستنى لما أخويا يخلص........ياريت حد يقولي بكل صراحة
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#5
أخى الفاضل أحمد
طبعا الأفضل الذى نركز عليه لاخواننا بالمنتدى
أن يكون الاعفاء لكونه العائل الوحيد لوالدته الأرمله !!!
لأن هذا السبب لا ينقطع ولا يتعدل 000
بعكس الاعفاء لكونه العائل الوحيد لأخيه الطالب 0!!!
فهذا السبب سرعان ما يزول !!!
كما فى حالتك 000
المهم
افضل أن تقدم على طلب اعفاء جديد لكونك العائل الوحيد
لوالدتك الأرملة 0 حيث أنه لا يوجد من يعولها غيرك
ونفس الأوراق التى قدمتها هى نفسها التى قدمتها قبل ذلك !!!
لعل أوراقك أن تقبل فى هذه الحالة 0 فهذا أصلح لك ولأهلك
ولكن أسرع !!!
اعانك الله
 

ddsf

عضو مميز
التسجيل
4/7/08
المشاركات
322
الإعجابات
2
#6
أخى الفاضل أحمد
طبعا الأفضل الذى نركز عليه لاخواننا بالمنتدى
أن يكون الاعفاء لكونه العائل الوحيد لوالدته الأرمله !!!
لأن هذا السبب لا ينقطع ولا يتعدل 000
بعكس الاعفاء لكونه العائل الوحيد لأخيه الطالب 0!!!
فهذا السبب سرعان ما يزول !!!
كما فى حالتك 000
المهم
افضل أن تقدم على طلب اعفاء جديد لكونك العائل الوحيد
لوالدتك الأرملة 0 حيث أنه لا يوجد من يعولها غيرك
ونفس الأوراق التى قدمتها هى نفسها التى قدمتها قبل ذلك !!!
لعل أوراقك أن تقبل فى هذه الحالة 0 فهذا أصلح لك ولأهلك
ولكن أسرع !!!
اعانك الله
استاذ جمال عندى ملحوظة لانه اذا خلص اخوه الجيش هيكون هوة ساعتها فى عائل تانى للام ويزول سبب العائل الوحيد للام ايضا
 

ahmed_rose

عضو جديد
التسجيل
8/10/08
المشاركات
16
الإعجابات
0
#7
جزاك الله خيرا

معلش يا أخ جمال ...
هو ينفع آخذ تأجيل كوني عائل للأسرة مع أني قبل كده واخد تأجيل كوني العائل لأخي الوحيد..
لو سمحت يا أستاذ جمال لو بتقل عليك بس انا محتاج النصيحة....
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#8
استاذ جمال عندى ملحوظة لانه اذا خلص اخوه الجيش هيكون هوة ساعتها فى عائل تانى للام ويزول سبب العائل الوحيد للام ايضا
أقرأ الموضوع أولا بتمعن يا غالى
ثم يأتى بعدها الرد .......
لماذا !!؟؟
لأن أخوه لسه ها يقدم نفسه للجيش يا غالى ...
فهذا هو الوقت المناسب ليحصل سريعا على
اعفاء لكونه العائل الوحيد لوالدته الأرملة !!!
وبالتوفيق
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#9
وأنه لا عائل لها قانونا حتى الآن !!!
 

ddsf

عضو مميز
التسجيل
4/7/08
المشاركات
322
الإعجابات
2
#10
أقرأ الموضوع أولا بتمعن يا غالى
ثم يأتى بعدها الرد .......
لماذا !!؟؟
لأن أخوه لسه ها يقدم نفسه للجيش يا غالى ...
فهذا هو الوقت المناسب ليحصل سريعا على
اعفاء لكونه العائل الوحيد لوالدته الأرملة !!!
وبالتوفيق
مظبوط كلامك استاذى العزيز لكن شهادات كشف العيلة غالبا ماتصدر بصيغة 5 سنوات تزول بزوال السبب او اتمامه 29 عاما يعنى لما سنه يبقى 29 عام لازم يحدد موقفه ايضا تانى وهيكون ساعتها اخوه خلص جيش وهيكون فيه عائل تانى ولا ايه رايك لان موقفى مماثل ايضا لمثل هذه الحالة
وعلى فكرة انا اتصلت باستعلامات منطقة التجنيد قالى ان لا يوجد فرق بين العائل لاخيه او العائل لامه الارملة فى كلتا الحالتين يزول السبب بخروج الاخ الاخر من الجيش والله اعلم
اعاننا الله على هذه الماساة جميعا
 

ahmed_rose

عضو جديد
التسجيل
8/10/08
المشاركات
16
الإعجابات
0
#11
يا ريت ياي أستاذ جمال ترد علينا فعلا......يا ريت تفيدني .....أنا و الأخ ddfs محتاجين رأيك بسرعة...
يا ريت يا أستاذ جماااااااال توضح لينا فعلا النقطة دي......كما قال الأخ العزيز ddfs.....
ولك جزيل الشكر
 

ahmed_rose

عضو جديد
التسجيل
8/10/08
المشاركات
16
الإعجابات
0
#12
لو سمحت يا أستاذ جمااااال عاوزين مساعدتك

ممكن يا أستاذ جمال ترد علينا
إحنا محتاجيييييين نصيحتك و رأيك....

يا ريت ترد علينا حالا .....فرصة وجودك أون لاين على المنتدى
:confused:
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#13
يا غالى
أنا لو مكانك وأخذت اعفاء لحد سن التاسعه والعشرون
سأفكر الف مرة فى التزويغ سنة ويوم واحد فقط !!!!!
وساعتها أدفع الغرامة وخلااااااااااااااااااااااااااص
وعموما لسأل واستشير وبتمعن !!!!
 

ahmed_rose

عضو جديد
التسجيل
8/10/08
المشاركات
16
الإعجابات
0
#14
جزاك الله خيراااا يا أخ جماااااااااال.......معلومة أخيرة لة سمحت

1-هل ينفع آخذ تأجيل تاني كوني العائل للأسرة مع إني كنت واخد تأجيل قبل كده كوني عائل لأخي
2-و هل صحيح إذا أخدت التأجيل كوني العائل لأمي ينتهي هذا التأجيل بمجرد خروج أخي من الجيش
3-وهل عرفت حد قبل كده إتحكم عليه بالحبس علشان تخلف عن الجيش ولا كله تقريبا بيتحكم عليه بالغرامة فقط........

جزاك الله خيرااا يا أخ جمال على تعاونك و حسن تلبيتك للندائنا....
معلش تعبينك معانا
أخوك أحمد
 

ahmed_rose

عضو جديد
التسجيل
8/10/08
المشاركات
16
الإعجابات
0
#15
الرجاء المساعدة يا أستاذ جماااااااااااااااااااااااااااااااال

1-هل ينفع آخذ تأجيل تاني كوني العائل للأسرة مع إني كنت واخد تأجيل قبل كده كوني عائل لأخي
2-و هل صحيح إذا أخدت التأجيل كوني العائل لأمي ينتهي هذا التأجيل بمجرد خروج أخي من الجيش
3-وهل عرفت حد قبل كده إتحكم عليه بالحبس علشان تخلف عن الجيش ولا كله تقريبا بيتحكم عليه بالغرامة فقط........

جزاك الله خيرااا يا أخ جمال على تعاونك و حسن تلبيتك للندائنا....
معلش تعبينك معانا
أخوك أحمد​
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#16
أعلاف ان فى ناس فعلا أخذت حكم بالحبس
لأن القاضى أحس منهم أنهم تخلفوا بسبب
أنهم أغنياء !!! ومش مهم أنهم يدفعوا الغرامة !!!
فكان الحكم بالحبس لاستعلائهم !!!!!!!!!!!!
هذه المعلومة أخذتها من قاضى عسكرى سابق 0
وهو الآن زميل محامى بمهنة المحاماة 0000
 

Aerospeed

عضو جديد
التسجيل
23/7/09
المشاركات
8
الإعجابات
0
#17


انا عندى مشكله ومش عارف اعمل ايه
انا ولدى متوفى من فترة كبيرة جدا كان عندى 7 سنين وانا اكبر واحد فى اخوتى
وعندى 2 اخوات واحد اصغر منى بستين وواحد ب 4 سنين
وكان واقت سنى ما وصل عشان اقدم اورقى للتجنيد كنت انا كبير العائله
وبصراحه كنت خايف لاى سبب من الاسبب اقدم وادخل لظروفى
ولان انا كنت الكبير كنت خايف
ومقدمتش للتجنيد وبعدى اخوتى بفضل الله اخدو تاجيل
وانا دلوقتى 31 سنه وكنت عايز اعرف اجيب شهادة الجيش ازى واعمل ايه
 
supervisor anis

supervisor anis

الوسـام الذهبي
التسجيل
4/7/08
المشاركات
1,900
الإعجابات
548
#18
بدون زعل
من والد محب ... إلى إبنى الشابان المشاركان بالموضوع

قال رسول الله صلى الله عليه وسلم " إخشوشنوا فإن النعمة لا تدوم "
لماذا التخوف أوالتهرب من آداء الخدمة العسكرية !
فترة التجنيد مع ما فيها من شدة وصعوبة إلا أن فيها خيرا كثيرا فهى تدرب الشباب على مواجهة الصعاب وتحمل المشاق والتصرف فى المواقف الصعبة وإستخدام السلاح والإلتزام الصارم بالمواعيد وآداء الواجب والحياة الخلوية النشطة وممارسة الرياضة والحراسة الليلية والتعود على أى طعام وكلها اشياء مفيدة
ولا أحد يضمن رغد العيش والحياة السهلة المرفهة على المستوى الشخصى الخاص أوالعام
عن نفسى دخلت الجيش فى سن الثلاثين لظروف خاصة وكنت متجوز ورزقت ببنتى الكبرى وأنا مجند وكنت جندى وليس ضابط ..تعبت جدا...لكن بفضل عدت على خير وبقت زكريات
وبالمناسبة أنا نشأت نشأة عادية شبهه مرفهه تقريبا يعنى دراسة فقط بالمدارس الحكومية والجامعة ولم نكن نعمل فى الأجازات ...يعنى ببساطة مش غاوى بهدلة وشقا
.......................
ياشباب فترة وتعدى وبعدين الظروف وتيسيرات الحياه العسكرية الآن غير زمان
والأهم لما كل واحد يتهرب ..مين يتجند ويخدم البلد أويدافع عنا
يعنى نستورد كمان شباب من الصين !
وإيه الفرق بين الشباب والصبايا ..يعنى بين الرجال والنساء
ياشباب كل الرجال والنساء فى إسرائيل تحت الإحتياط ويمكن إستدعائهم فى اى لحظة للجبهة
هل شبابنا المصرى المسلم أو المسيحى أقل من نساء إسرائيل
.......................
كن رجلا فخورا بنفسك معتزا برجولتك واثقا فى قدرتك على الحياه تحت اى ظروف
قال رسول الله صلى الله عليه وسلم " عينان لاتمسهما النار ...عين بكت من خشية الله ؛ وعين باتت تحرس فى سبيل "
 

gamal gamal

محامى ومستشار قانوني
التسجيل
1/8/04
المشاركات
12,948
الإعجابات
506
#19
أرد عليك يا غالى وبدون بدون زعل
لما يكون الجيش المصرى يصل الى
درجة أقل جيوش العالم نظاما وآدمية
ستجد الكل فى خدمة هذا الوطن الجليل ....

أما اذا ظل الجيش فى مصر كما هو
فستجد الكل يهرب ويهرب ويهرب
بأى وسيلة ....................
 
supervisor anis

supervisor anis

الوسـام الذهبي
التسجيل
4/7/08
المشاركات
1,900
الإعجابات
548
#20
أرد عليك يا غالى وبدون بدون زعل
لما يكون الجيش المصرى يصل الى
درجة أقل جيوش العالم نظاما وآدمية
ستجد الكل فى خدمة هذا الوطن الجليل ....

أما اذا ظل الجيش فى مصر كما هو
فستجد الكل يهرب ويهرب ويهرب
بأى وسيلة ....................
اخى الأستاذ الجمل
حياك الله وهدانى وإياك إلى الحق وإلى طريق مستقيم
مع كل حبى وتقديرى لشخصكم وخدماتكم الجليلة ..أختلف معك رغما عنى فلا أحب كثرة الجدال والمراء ولوكنت محقا
..........................
ألا ترى يا أخ الكريم أننى حين أؤدى الخدمة العسكرية فإننى بالدرجة الأولى ألتزم بالقانون مهما كانت درجة إعتراضى على النص أو التطبيق لأن ذلك يفتح بابا واسعا من التحايل والتهرب فى كل مجالات الحياة فمثلا لا أتهرب من دفع فاتورة التليفون لأنى أسعار الخدمة مبالغ فيها .. والأمثلة كثيرة
............................
ثم إن الإنسان لايسلك طريق الخطأ مع السالكين لكثرتهم
.............................
والأهم أنى حين ألتحق بالتجنيد أدافع عن نفسى وأهلى وأمتى ... ولو نظريا
وأرجو أن ترجع إلى كلامى السابق بروية
 
الحالة
موضوع مغلق

أعلى