الحالة
موضوع مغلق

abu_nada

الوسـام الذهبي
#1
ابتسم أنت فى غزة
ادا بدك تعرف يا حجى انك غزة تعال أقلك تخافش كلمتين عالسريع


كل واحد بتشوفه وتقابله بقلك انا واصل بالسلطة بجميع انواعها
كل واحد بتشوفه بشتكى من مرته
بلبسوا زى بعض معظم البنات شبه بعض ونفس الوظيفة الشغل عنا بدبح فى بعضه

وكل واحد بتحكى معه بقلك ابوخ أول واحد جاب مرسيدس
كل واحد بتشوفه بقلك كان يلعب فى الفلوس لعب بس الوضع الحين نكبه يا حرام قطع قلبي
كل الناس بتبحلق فيك وكأنك جاى من الهولولولو
فش حد بعرف يحكى عنجليزى والكل بتفلسف وبقعد يلطش ويحكى عنجليزى وهوا مش دارى شو بيحكى
ودواء وجع الراس <ريفو> ومحلات المواد الغدائية بتبيع مزيل عرق
الواسطة هى الحل لكل المشاكل
كل واحد فى ايده جوال 24 ساعة على دانه انشاء الله طرش
ادا كنت رايح على مصر والمعبر بده يفتح بتلاقى الكل بده يبعت زبدية لابنه فى مصر مع هالمسافر
بس تدخل مصلحه حكوميه بتلاقي الكل قرايب وحبايب
وبتلاقى الناس بتسأل كل شوية.. بكم الدخان ..شو اخبار المعبر .. الكولا أجت
وما فى كلام غير حبيبى يا حج
بتروح على صلاة الجمعة وطبعا لازم الشيخ يكون فريرة ولهلوبة يعني شغال على السريع
وادا بدك هوية وطلبوا طوابع بريد يا نشفان الريق وروح وتعال يا نشفان الريق
وبتلف على كل محلات البلد عشان تفك 10 شيقل نصين وياريت بتلاقى
بتشوف شباشب وخرق واعلام صفرا وخضرا معلقه على كل سلك الكهرب وطبعا الكهرب 7 ايام في الشهر يعني لحمة الضحية السنة انسى


الكل بدخن وما حد بشترى دخان كل بدخن على حساب .. رش خلى الناس تعرفك
وبتلاقي كم واحد 24 ساعة طرنيب وهاند رمي زي الي بالي بالكم
الجوال مع الكل والى معاه رنة كأنه معاه فاتورة
واحنا الشعب الوحيد الى بنشوف صور القادة على القمر
فلسطين الدوله العربيه الوحيده والي بقولوا انها مستقلة العطلة فيها 24 يوم في الساعة و12 سنة في الشهر وانت احسبها بطريقتك
وشوف لما تروح تزور واحد ويقولك شو تشرب ،، وهو عارف انك راح تقول شاي لانه فش غيره
واذا واحد فلسطيني بشوف واحد اجنبي ولا وحدة ياحبيبي بكلها بعنيه وبده يضرب صحبة علطول


وحبيبى يا حج .
 

فارس

عضو ذهبي
#2
الله يعين غزه و الضفه و كل فلسطين
و يهلك اليهود و اعوانهم الخونه المفضوحين
 

abu_nada

الوسـام الذهبي
#3
بارك الله فيكم علي المرور
نورت المشاركه بوجودكم
يعطيكو العافيه
يلا سلام عليكم
 
الحالة
موضوع مغلق

أعلى