Genuine Key


Genuine Key


Moved to new forum, Click Here to register

تم الانتقال للمنتدى الجديد, اضغط هنا للتسجيل
Icon11 11 نصيحة لتنظيف بيتك بسهولة

تنضيف البيت من الحاجات الى بتشيل همها كل ست ودة لانها يتحتاج مجهود كبير وكمان لو عندك اطفال بتبقى محتاجة تنضفى البيت طول الوقت وراهم.


النهاردة هنتكلم على نصائح نقدر بيها نخفف مجهود تنضيف البيت وبطريقة ذكية ومنظمة اكتر وتخليكى متشليش هم الترويق كل يوم :)




نصيحة لتنظيف بسهولة




1-عشان نضيع ملل التنضيف ونسهل المهمة على نفسنا شغلى موسيقتك المفضلة واسمعيها وانتى بتروقى او ممكن تعملى حاجتين مع بعض يعنى نضفى وفى نفس الوقت افتحى برنامج مفيد انتى بتحبيه وقت الترويق.



نصيحة لتنظيف بسهولة


2- عشان متحسيش ان يومك ضاع فى الترويق اتعودى اصحى بدرى وممكن تبدأى يومك انك تعملى حاجة جديدة مش متعودة تبدأى بيها كنوع من التجديد. وضعى قائمة بالمهمام الى عليكى ورتبيهم على حسب الاولوية وممكن تعملى جدول ترويق لكل اسبوع. ومتبلغيش فى ترويق كل حاجة فى يوم واحد لان دة هيتعبك وهيحسسك بالملل وان يومك كله راح فى الترويق :(


نصيحة لتنظيف بسهولة




3.وانتى بتنضفى متشليش التراب بطريقة عشوائية ودة هيخلى التراب يرجع تانى للاماكن الى خلصتى ترويقها ولكن ابدأى من اعلى اليسار الى اسفل اليمين يمعنى انك تنضفى الرفوف العالية الموجودة فى اليسار لحد الارض فى اليمين وكدة هتضمنى ان التراب ميبهدلش الاماكن المنخفضة.



نصيحة لتنظيف بسهولة


4- وانتى بتشيلى الحاجات المرمية على الارض بلاش تاخدى حاجة حاجة وتروحى توديها مكانها ولكن هاتى بسكت كبير ولمى فى كل الحاجات الواقعة ولما تخلصى ابداى دخلى كل حاجة مكانها. وكمان وانتى بتروقى متعمليش غرف كاملة زى غرفة النوم اوغرفة الاطفال وبعدين تدخلى على غرفة تانية ولكن خدى مهمة واحدة واعمليها فى كل الاماكن دة هايبقى زى رياضة ليكى وكمان مش هتزهقى من الترويق وهتحسى انك انجزتى حاجات كتير فى وقت قليل .

نصيحة لتنظيف بسهولة


5- نضفى بذكاء

استخدمى الملح عشان تشيلى البقع من الاوانى بتاعتك والمقلاة كمان
استخدمى الخل وضيفى عليهم صودا الخبز عشان تشيلى البقع فى الاحواض والبلاعات
استخدمى اللمون عشان تشيلى الروائح الغير مستحبة فى صندوق القمامة او الحمام او عشان تنضفى المصارف وممكن تحطى مع اللمون برتقال كمان.
استخدمى الامونيا عشان تشيلى البقع الصعبة فى البتوجاز يعنى حطى معلقة امونيا على الاسنفجة الى بتنضفى فيها وادعكى البقع.



نصيحة لتنظيف بسهولة


6- لما نيجى لمسح للارضيات زى ارض الحمام والمطبخ حاولى قبل ما تمسحيهم ترشى المنظف عليهم دقايق بسيطة وبعدين امسحى عادى دة هيساعد فى ازالة البقع بسهولة ومش هتتعبى وانتى بتمسحى.

نصيحة لتنظيف بسهولة


7- خلى كل حاجة فى بيتك ليها مكانها المخصص يعنى مثلا درج او صندوق ودة هيسهل التنضيف ومش هيبقى فى حيرة تودى الاغراض فين. نصيحة لتنظيف بسهولة




نصيحة لتنظيف بسهولة


8-متنسيش طبعا تستخدمى المكنسة الكهربائية عشان تشيلى اى تراب من على السجاد وكمان وانتى بتغسلى السجاد بلاش تفضلى تدعكى فى جامد لان دة بيبوظ وبر السجاد ومش هستحمل معاكى .وممكن تعمليها بماية وخل عشان تلمع كمان .

نصيحة لتنظيف بسهولة


9- متعمليش كل حاجة لوحدك وعلمى اطفالك انهم يساعدوكى وعلى الاقل يشيلو لعبهم واطباقهم بعد الاكل. دة هيساعد فى بناء شخصيتهم وكمان هيسهل عليكى مهمة ترويق البيت


نصيحة لتنظيف بسهولة


10-وانت بتلمعى المرايات واى اسطح زجاجية بلاش تستخدمى اى قماش ولكن استخدمى قماش من الميكروفايبر وواحدة طبعا تكون مبللة وواحدة جافة.


نصيحة لتنظيف بسهولة


11- متنسيش كل يوم الصبح تهوى بيتك وتخلى اشعة الشمس تدخله ودى من الحاجات المهمة جدا الى لازم تعمليها كل يوم الصبح غير انها صحية جدا فى تجديد الهواء وهيحافظ على ريحة بيتك ونقائه وكمان ضوء الشمس له فوايد كتير لاطفالك و لو كان عندك نباتات.


نصيحة لتنظيف بسهولة


المواضيع المشابهه

برنامج 3Utools لنقل الملفات بسهولة من و الي الايفون بسهولة

بحبك

بحبك يا الله



أدوات الموضوع

الانتقال السريع

منتديات داماس

DamasGate