Genuine Key


Genuine Key


Moved to new forum, Click Here to register

تم الانتقال للمنتدى الجديد, اضغط هنا للتسجيل
Icon11 أفضل أماكن توزيع المرايا في المنزل

كتير مننا مش بيهتم بالمرايات واماكن وجودهم ودة لان المرايات بتعتبر عند البعض شئ غير اساسى وده مفهوم غلط لانك لو حطيت المرايات فى الاماكن الصحيحة دة هيدى احساس بأتساع منزلك وغير طبعا الطاقة الايجابية الى بتبقى فى البيت من المرايات .

ودور المرايات بقى مش مقتصر اننا نشوف نفسنا ونظبط لبسنا والامور التقليدية ولكن بقى ليها دور اساسى فى ديكور بيتك وكتير من مصممين الديكور بقوا يعتمدوا على المرايات بشكل اساسى اثناء التصميم.
ولان المرايات سلاح ذو حادين يعنى ممكن لو حطيتهم فى مكان غلط يشوه ديكور البيت والعكس طبعا لو حطيتهم فى اماكنهم الصحيحة هايخلى البيت اجمل واوسع.
عشان كدة النهاردة هنتكلم عن الاماكن الى ينفع نحط فيها المرايات.


أماكن توزيع المرايا المنزل


1-مدخل البيت
طبعا من اول الاماكن الى نفكر نحط فيها مرايا هى مدخل بيتنا وطبعا لو كان المدخل ضيق دة هيساعد جدا انه يكون مساحته اكبر.ولو كان مدخل بيتك متوسط او كبير فممكن تختار مرايا معلقة مش مرايا بتصل الي الارض زى المدخل الضيق.
ولكن تجنب: ان المرايا تكون فى وضع انك لو فتحت باب بيتك تعمل انعكاس للناس الى برا عشان خصوصيتك وخصوصية عيلتك. وكمان المرايا متكونش بتعكس باب البيت لان دة هيحسسك بضيق فى المدخل


أماكن توزيع المرايا المنزل


2- غرف النوم
لما تحطى مرايات فى غرفة النوم حطيها فوق السرير وبالذات لو غرفتك صغيرة. او خلف منضدة سريرك. وبلاش تحطيها جنب السرير ودة لانها بتدى طاقة سلبية.


أماكن توزيع المرايا المنزل


أماكن توزيع المرايا المنزل


3-غرفة المعيشة
لو هتحطى مرايا فى غرفة المعيشة فلازم تختارى المكان كويس جدا عشان متبوظيش ديكور بيتك. يعنى بلاش تحطى مرايا فى حيطة فيها شباك ولكن ممكن تحطيها فى الحيطة المقابلة لها هتكون شكلها حلو جدا وكمان هتعكس الضوء.
لو غرفة معيشتك صغيرة متجبيش مرايا فيها شغل كتير ولكن خليها بسيطة جدا وكمان هاتيها كبيرة عشان توسع مساحة الغرفة. وفى فكرة برضو ممكن تعمليها انك تحطى المرايا جنب التليفزيون على طول لانها بتشد الانتباه وهاتبقى هى العنصر الاساسى في الغرفة.


أماكن توزيع المرايا المنزل


أماكن توزيع المرايا المنزل


4-غرفة الطعام
جربى حطى مرايا فى غرفة الطعام ودة هيضيف جمال ولمعان لغرفة سفرتك.ولكن ابتعدى عن المرايا الطويلة وحطى مرايا معلقة شكلها جميل. وبلاش مع المرايا تستخدمى نجف مكشوف عشان ميعكسش الضوء


أماكن توزيع المرايا المنزل


أماكن توزيع المرايا المنزل


5-الحمام
طبعا مينفعش ننسى مرايا الحمام لانها من المرايات المهمة جدا فى البيت. زى ما كنا بنقول لو المكان صغير تحطى مرايا كبيرة ولكن الكلام دة مناسب لكل الغرف ماعدا الحمام يعنى لو حمامك صغير هاتى مرايا متوسطة الحجم لان المرايا الكبيرة هتبقى متكلفة جدا ومش هتخلى حمامك كبير.
لو حمامك واسع فعادى لو حطيتى مرايا طويلة بس متنسيش تحطى مرايا جانبية تكون متوسطة الحجم
عشان العناية بالبشرة تكون اسهل وحلاقة جوزك تكون ادق أماكن توزيع المرايا المنزل


أماكن توزيع المرايا المنزل


أماكن توزيع المرايا المنزل


خلى بالك
- بلاش تخلى كل المرايات شكل بعض يبقى متبقاش كلها مربعة او مستطيلة ولكن اختاري شكل المرايا على حسب المكان والاثاث طبعا. يعنى لو فى ترابيزة دائرية فى غرفة السفرة خلى المرايا دائرية برضو ولو كان فى مكتب مستطيل خلى المرايا مستطيلة وفى نفس لون المكتب فى الاطار بتاعها.
- بلاش لما تحطي المرايات تخليها تعكس الاثاث لانها هتدينا احساس بضيق المكان.
لما نيجى للاضاءة فى وجود المرايات فالافضل انك تكثف الاضاءة فوق المرايا.-
- نضفى المرايات باستمرار لان البقع فى المرايا هتشوه شكل الغرفة.
- ممكن تستخدمى المرايات فى انك تدارى عيب فى الحيطة او الدهان دة هايحسن الشكل ومش هايلفت
النظر للعيب الى فى الحيطة.


أماكن توزيع المرايا المنزل

المواضيع المشابهه

أفضل مواقع العمل من المنزل وداعا الوظيفة العمومية

أفضل استراتيجية للعمل من المنزل وربح 30 دولار يومياً من موقع نيوبكس 2015

توزيع زاندروس ، أسهل توزيع شاهدته في حياتي



أدوات الموضوع

الانتقال السريع

منتديات داماس

DamasGate