Genuine Key


Genuine Key


Moved to new forum, Click Here to register

تم الانتقال للمنتدى الجديد, اضغط هنا للتسجيل
عاوز اقدم على اعفاء علشان محدش بيصرف عالبيت

السلام عليكم ورحمه الله وبركاته
انا بحاول اوصل لحضرتك بقالى فترة ومش عارف حتى حاولت اكلم حضرتك
استشارتي بسبب التجنييد
انا والدى متزوج 2
واحنا 10 اخوات
انا والصغيرة من ام واحده (اختى12سنه)
والباقى من ام وفيهم 5 اولاد وكلهم كبار ومتزوجين وعايشين مع والدتهم وليس لهم علاقه بينا ابدا واللى مش متجوز عنده 32 سنه وعايش مع والدته فى بيتهم
مش عارف اعمل ايه علشان موقفى من التجنيد
والدى عمرة 59 سنه وهايتم 60 فى شهر 12
وانا جيشى شهر 10 بازن الرحمن
والدى غير قادر على الكسب لانه مركب جهاز فى القلب وكمان عضله القلب تعمل بكفائه 25% فقط
اى حركه او مجهود غلط عليه
وكان طول شهر رمضان فى العنايه المركزة ولسه طالع ومعايا تقارير بالكلام دا لوجود صديد بسبب الجهاز فى القلب
وانا عاوز اقدم على اعفاء علشان محدش بيصرف عالبيت
لافى دخل خاص ولا حكومى ولا معاش
والدى كان عامل شركه استيراد وتصدير ومتوقفه عن العمل والضرايب عارفه بالكلام دا
وكل مابيعمل ضرايب بيكتب ان الشركه متوقفه عن العمل ولايوجد حتى مقر لها
يعنى لايوجد دخل وانا المفروض جايلى شغل بالخارج علشان اقدر اسدد عمليات والدى
لانو محتاج 3 عمليات
واخواتى ملهوش علاقه بينا نهائيا
ارجو معرفه موقفى فى التجنيد واسف انى اتكلمت باستفاضه بس علشان تقولى استشارة كامله
ورحت اعمل قيد عائلى لقيت اساميهم كلها غلط فى شهادات الميلاد اقدمها غلط زى ماطلعت ولا اعمل ايه
انا قدمت على قيد عائلى باسمى انا واختى ووالدى وامى فقط
هل دا ينفع
واسف للمرة التانيه ومستنى ردك بفارغ الصبرررررررررر
ويجعله يارب فى ميزان حسناتك
عاوز اي سبب قانونى لانى مقدرش اسيب والدى فى الحاله دى وفى نفس الوقت والدتى انا اللى بصرف عليها هيا ومدرسه اختى
والدتى 45 سنه
منتظر ردكم بفارغ الصبرررر

المواضيع المشابهه

هل ليا اعفاء موقت علشان اخويا دخل الجيش؟

هل ينفع اقدم علي اعفاء او تاجيل بعد الجامعه او من دلوقتي ؟

عاوز صيغة عقد قانونية علشان اطبعها لتقسيم قراطين

هل يجوز لي ان ان اقدم على طلب اعفاء موقت بحكم اني اعمل و أعول امي الارملة؟


طالما ان هناك اخوه أخرين من الاب
فلا اعفاء لك طبقا للقانون
واذا كان هناك مشكلة للوالد مادية فالأخوة الكبار يتكفلون به
او يرفع عليهم دعوى وسيكسبها بكل تأأأأأأأأأأأأكيد .. وفي أسرع وقت ....

بالنسبة لك الحل الوحيد
هو أن تكون العائل الوحيد للأم المطلقة
على والدك أن يطلق والدتك لتصبح عائلها الوحيد

وبالنسبة للقيد الخاص بالاخوه
اياااااااااااااااااااااك تقدمه غلط
عشان ما تدخلش في متاهة كارثيه ..
حاول تصحح الغلط .. او مش حتحتاج لو نفذت الطلاق

غير كده ستدخل الجيش
وانسى نهائيا كل الكلام اللي قلته
الجيش ما يعرفش ابوه والظروف .. لان كل الشباب وشعب مصر لو دورت ...
عنده ظروف .. وفي الجيش بيسمعوا ميت قصة ورواية ..

وعليه اما تقدم وانت ونصيبك في التأجيل من عدمة او الدخول
او والدتك تطلق
او ما تروحش وبكده حتفضل مطارد بشكل غير مباشر حتى تتم 30 سنة ولن تسافر طبعا او تعمل في الحكومة .. ثم المحاكمة والغرامة اذا بقيت غرامه .

تحياتي


حضرتك انا وحيد الام والاب تعبان جدا والدكتور بتاعه لواء فى الجيش قالى اوديه بالتقرير اللى هيعملهولى ووالدى هيكشف ويعملنى انا عائل لاختى وامى هل الكلام دا صح ؟


وفى طريق تانى ان ليا واحد يعرف سكرتير مدير مكتب التجنيد والراجل عرض عليا انو يطلعنى هل امشى معاه والورق هيكون قانونى مش نصب


اضافة هامة جدا

يا غالى لك أن تحصل على اعفاء لكونك
وحيد أشرتك ووالدك غير قادر على الكسب
وسيتم خضوعه للكشف الطبى وستحصل على
الاعفاء أكيد ان شاء الله ..
وعلى فكرة
أسرتك تختلف عن أسرة والدك الأخرى
فكل اسرة مختلفة عن الأخرى ...

قدم أوراقك بسرعة وستحصل على الإعفاء حتما يا غالى .......


استاذ جمال الف الف الف الف الف شكر على ردك
اساسا والله فى الاصل المشاركه كانت بأسم حضرتك وموجه السؤال لشخصك
بسبب شكر كل الناس فيك الفيس وفى مواقع كتير اوى
حضرتك بس ممكن تقولى الاوراق المطلوبه وبالزات القيد العائلى اقدم على واحد جديد باولاد ابى ولا اعملو باختى وبس وبجد الف شكر طمنتنى اووووووووووووووووووى
اهم حاجه بس الاوراق اللى اقدمها ايه


عفوا أخى الكريم

والقيد العائلى يستخرج باسم والدك
وسيدرج فيه كل زوجاته وأولادهم بالتفصيل
وهذه المعلومات يأخذونها من مصلحة الأحوال
المدنية .........

والأوراق المطلوبة موجودة بالمنتدى ....
راجعها على هذا الرابط

http://www.damasgate.com/vb/t117213/


استاذ جمال
انا جيت مخصوص اشكر حضرتك
الفوشكر ليك بجد انتا مرجع جامد جدا وربنا
النهارده والدي كشف وخد غير لائق وقالو ابنك يروح يستلمها كمان عشر ايام
بس انا محتار دا كمان عشر ايام وقفه العيد اروح بردو؟؟
والف شكر ليك تاني لانك اللى وجهتني


بالتوفيق يا غالى ان شاء الله
وسننتظرك بعد العيد لتطمئننا ...

والأفضل أن تذهب لهم بعد العيد ....


[IMG][/IMG]

تم استلام شهاده الاعفاااء يا استاذ جمال كلامك 100/100 ياباشا الف شكر على توجيهاتك


أدوات الموضوع

الانتقال السريع

منتديات داماس

DamasGate