أولى رابع

و انا واقف فى أولى رابع
شفت طالب .. قلبه مسجد
لأ
قلبه جامع
المسلمين كل يوم بتدخله
و ال حافظ .. صوته واقف على منبره
بيحمد ربه ، و يستثنيه ، ويستغفره
كل ده .. ونفس الطالب قاعد يفر فى دفتره
الصلا بتقوم فى قلبه و هو مشغول بالكتاب
العباد ملايين بتسعى و تدخله من كل باب
أصله واسع .. كبير .. رغم إنه لسه فى مقتبل الشباب
يعنى قلبه
كله تسبيح .. وتهليل .. و زقزقة عصافير
و هو مش سامع حتى صوت الآدان
مش واخد باله من آيات مكتوبه بالثلث .. على الجدران
و المصاحف ، والسواك ، والمسك ، والريحان
و الملايكه و هى نازله م السما .. تحف المكان
و استقيموا بصوت جهور .. سدوا الفرج .. اخشعوا
و اعلموا أنكم فى حضرة الرحمن
الله أكبر .. بدأ الإمام
الناس بتركع .. و تسجد .. و ترتل سور قرآن
و صاحبنا ذى مايكون سجين .. و دفتره السجان
قلت اقوله .. افهمه .. يمكن يحس بالنعمه ال ربه مديهاله
و لا لأ
هاسيبه لدنيته و قدره و احتماله
ياعم قول له يمكن يشوف جنته .. ويعرف سكته
قلت لأ
سيبه لفطنته .. يعرف بنفسه فين يمينه و فين شماله
دا الحقايق لازم نشوفها بنفسنا
من غير ماحد يدلنا
عشان لما الشيطان فى يوم يوسوس لنا
نلاقى نور الهدايه من قلبنا نابع
دا لما كنت فى أولى رابع

طبعا انا قصدت اسيب القصيده كده من غير اى تزويق
لان الشعر المفروض يقدم مجردا حتى يحكم عليه من خلاله هوه و بس
بالاضافه غلى يسهيل فتح الصفحه لان اى اضافات بتقل فتح الصفحات

بالاضافه على تسهيل

أتمنى أن يكون هذا الكلام يستحق المساحة التى عرض فيها و الوقت الذى بذل فيه

والله استمتعت بقراءة قصيدتك جدا فهي مليئة بالصور الجميلة

جزاك الله خيرا

ابداع متميز انتظر جديدك

شكرا جزيلا على هذا الاطراء الحميل